Jańalyqtar
PAVLODARDA Q. SÁTBAEVTYŃ DAÝYSY JAZYLǴAN ÚNTASPA TABYLDY
![](https://qandastar.kz/wp-content/uploads/2024/02/IMG_3740-1-780x405.jpeg)
Ǵalym Qazaq SSR-niń qurylǵanyna 40 jyl tolýyna oraı 1959 jyly Máskeýde jáne 1961 jyly Almatydaǵy jıynda sóz sóılegen. Dańqty tulǵa «qazaq dalasynda tuzdan basqa qazba baılyq joq» degen pikirmen kelispeı, geologtardyń Qazaqstanda 200-den asa ken ornyn tapqanyn málimdegen. Akademık Ekibastuzdyń sarqylmas keni álem boıynsha rekordtyq qýattylyqqa ıe bolatynyn bilip, ári energetıkanyń kúretamyryna aınalatynyn atap ótken. Úntaspa qolónershi, marqum Baqyt Saǵyndyqovtyń jeke muraǵatynda saqtalǵan. Jaqynda týystary sheberdiń qundy zattaryn mýzeıge tapsyrdy. 12 sáýirde Qazaqstan Ǵylym Akademııasynyń tuńǵysh prezıdenti Qanysh Imantaıulynyń týǵanyna 125 jyl tolady. Álııa Jomartova, G. Potanın atyndaǵy tarıhı-ólketaný mýzeıiniń bas qor saqtaýshysy: – Bul bizdiń mýzeıdiń eksklıýzıvti jádigeri. Qazaqstan ǵylymy úshin ólsheýsiz eńbek sińirgen ataqty ǵalym, jerlesimizdiń daýysyn estý biz úshin mańyzdy. Sizder bilesizder Pavlodar halqy dańqty tulǵamen maqtanady. Sondyqtan bul óte qundy jáne erekshe eksponat.