جاڭالىقتار
پاۆلوداردا كوللەدج ستۋدەنتى 16 جاستاعى قىزدى اياۋسىز ۇرىپ-سوققان: جابىرلەنۋشىنىڭ اناسى كومەك سۇرادى
فوتو: اشىق دەرەككوز
پاۆلودار تۇرعىنى ءبىر-ەكى اپتا بۇرىن قىزىن كوللەدج ستۋدەنتى ۇرىپ-سوققانىن ايتتى. ول كوپشىلىك الدىندا وبلىس پروكۋرورى مەن پوليتسيا دەپارتامەنتى باسشىسىنان كومەك سۇرادى. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.
ايەل قىزىن ۇرىپ-سوققان كۇدىكتىنىڭ ءالى بوستاندىقتا جۇرگەنىنە نارازى.
وقيعا 5 قازان كۇنى بولعان. پاۆلودار يننوۆاتسيالىق كوپسالالى كوللەدجىنىڭ ستۋدەنتى 16 جاستاعى پاۆلودار تۇرعىنىن اياۋسىز سوققىعا جىققان. جابىرلەنۋشىنىڭ اناسى ۆيدەو ءتۇسىرىپ, پاۆلودار وبلىسىنىڭ پوليتسيا دەپارتامەنتىنىڭ باسشىسى مەن پروكۋرورىنا جۇگىندى.
«مەن سىزدەرگە جۇگىنۋگە ءماجبۇرمىن. ويتكەنى مەن تالعارداعىداي وقيعا قايتالانادى دەپ قورقامىن. سوققىنىڭ سالدارىنان قىزىم باس-مي جاراقاتىنا الىپ, مي شايقالۋ تۇرىندە دەنساۋلىعىنا زيان كەلتىردى. سونداي-اق بەتى مەن باسىندا سوققىنىڭ ىزدەرى بار. بالا قازىر اۋرۋحانادا جاتىر. تەرگەۋ مۇلدەم جۇرگىزىلىپ جاتقان جوق. ازىرگە بىردە-ءبىر كۋاگەردەن جاۋاپ الىنبادى. وقيعا ورنىندا كامەرالار بولعانىمەن, بەينەجازبالار تاركىلەنبەگەن. ارىز جازعانىما ەكى اپتا بولدى. الايدا ەشقانداي شارا قولدانىلعان جوق. قىزىمدى ۇرىپ-سوققان بويجەتكەن باسقالارعا دا قول كوتەرگەن, بۇل ءبىرىنشى رەت ەمەس. وسى ءىستى باقىلاۋعا الۋلارىڭىزدى سۇرايمىن, سەبەبى قىز قىلمىستىق ارەكەتىن جالعاستىرۋدا», – دەدى زارداپ شەككەن ءجاسوسپىرىمنىڭ اناسى.
پوليتسەيلەر 16 جاستاعى قىزدىڭ دەنساۋلىعىنا قاساقانا جەڭىل زيان كەلتىرۋ فاكتىسىن راستادى. ءتارتىپ ساقشىلارى سوتقا دەيىنگى تەرگەۋ امالدارىن جۇرگىزۋدە.
«پوليتسيا قىزمەتكەرلەرى بۇل ءىستى وبەكتيۆتى جانە جان-جاقتى تەرگەۋ ءۇشىن قاجەتتى جەدەل-ىزدەستىرۋ شارالارىن جۇرگىزىپ جاتىر. قىلمىستىق-پروتسەستىك كودەكستىڭ 201-بابىنا سايكەس, تەرگەۋ مۇددەسى ءۇشىن وزگە مالىمەتتەر جاريالانبايدى», – دەپ جاۋاپ بەردى وبلىستىق پوليتسيا دەپارتامەنتى.
ەسكە سالساق, وسىعان دەيىن ۇستالعانداردىڭ ءبىرىنىڭ اناسى 16 جاسار شەرزات بولاتتىڭ ولىمىنە قاتىستى كۇدىكتىلەردىڭ كەيبىرەۋىنىڭ قىلمىسقا قاتىسى جوقتىعىن العا تارتقانىن جازعانبىز.
