Pavlodarda kolledj stýdenti 16 jastaǵy qyzdy aıaýsyz uryp-soqqan: Jábirlenýshiniń anasy kómek surady

Foto: ashyq derekkóz

Pavlodar turǵyny bir-eki apta buryn qyzyn kolledj stýdenti uryp-soqqanyn aıtty. Ol kópshilik aldynda oblys prokýrory men polıııa departamenti basshysynan kómek surady. Bul týraly qandastar.kz Stan.kz aqparat agenttigine silteme jasap habarlaıdy.

Áıel qyzyn uryp-soqqan kúdiktiniń áli bostandyqta júrgenine narazy.

Oqıǵa 5 qazan kúni bolǵan. Pavlodar ınnovaııalyq kópsalaly kolledjiniń stýdenti 16 jastaǵy Pavlodar turǵynyn aıaýsyz soqqyǵa jyqqan. Jábirlenýshiniń anasy vıdeo túsirip, Pavlodar oblysynyń polıııa departamentiniń basshysy men prokýroryna júgindi.

«Men sizderge júginýge májbúrmin. О́ıtkeni men Talǵardaǵydaı oqıǵa qaıtalanady dep qorqamyn. Soqqynyń saldarynan qyzym bas-mı jaraqatyna alyp, mı shaıqalý túrinde densaýlyǵyna zııan keltirdi. Sondaı-aq beti men basynda soqqynyń izderi bar. Bala qazir aýrýhanada jatyr. Tergeý múldem júrgizilip jatqan joq. Ázirge birde-bir kýágerden jaýap alynbady. Oqıǵa ornynda kameralar bolǵanymen, beınejazbalar tárkilenbegen. Aryz jazǵanyma eki apta boldy. Alaıda eshqandaı shara qoldanylǵan joq. Qyzymdy uryp-soqqan boıjetken basqalarǵa da qol kótergen, bul birinshi ret emes. Osy isti baqylaýǵa alýlaryńyzdy suraımyn, sebebi qyz qylmystyq áreketin jalǵastyrýda», – dedi zardap shekken jasóspirimniń anasy.

Polıeıler 16 jastaǵy qyzdyń densaýlyǵyna qasaqana jeńil zııan keltirý faktisin rastady. Tártip saqshylary sotqa deıingi tergeý amaldaryn júrgizýde.

«Polıııa qyzmetkerleri bul isti obektıvti jáne jan-jaqty tergeý úshin qajetti jedel-izdestirý sharalaryn júrgizip jatyr. Qylmystyq-proestik kodekstiń 201-babyna sáıkes, tergeý múddesi úshin ózge málimetter jarııalanbaıdy», – dep jaýap berdi oblystyq polıııa departamenti.

Eske salsaq, osyǵan deıin ustalǵandardyń biriniń anasy 16 jasar Sherzat Bolattyń ólimine qatysty kúdiktilerdiń keıbireýiniń qylmysqa qatysy joqtyǵyn alǵa tartqanyn jazǵanbyz.