Pavlodarda qyz uzatý toıynda 27 adam ýlanyp qalǵan

Pavlodarda ótken qyz uzatý toıynda qonaqtar jappaı ýlanyp, 27 adam aýrýhanaǵa tústi, dep habarlaıdy Qandastar.kz aqparat portaly.

Toı 7 maýsym kúni qaladaǵy meıramhanalardyń birinde ótken. Uzatý toıynda shamamen 150 qonaq bolǵan.

Oblystyq jedel medıınalyq járdem stanııasynyń habarlaýynsha, zardap shekken qonaqtardan alǵashqy qońyraýlar 8 maýsymda túse bastaǵan.

«33 adam júgindi, olardyń ishinde júkti áıel men bala bar. 26 eresek adam ınfekııalyq aýrýhanaǵa, bala oblystyq balalar aýrýhanasyna jatqyzyldy. Barlyǵyna ortasha aýyrlyqtaǵy tamaqtan ýlaný dıagnozy qoıyldy. 9 maýsym kúni sol is-sharaǵa qatysqan taǵy bir adam júgindi», – dedi dárigerler.

Pavlodar oblystyq densaýlyq saqtaý basqarmasynyń málimetinshe, bakterıaldy ishek ınfekııasynyń belgilerimen barlyǵy 29 adam júgingen.

«Olardyń 15-i aýrýhanaǵa jatqyzyldy, qalǵandary ambýlatorııalyq em alyp jatyr. Paıentterdiń jaǵdaıy ortasha aýyr dep baǵalanýda, belgileri: ıntoksıkaııa, ish ótý jáne dene qyzýynyń kóterilýi. Barlyq naýqasqa qajetti em taǵaıyndalǵan», – dep málimdedi vedomstvo.

Toı ótken meıramhanada sanıtarlyq-epıdemıologııalyq qyzmettiń mamandary jumys júrgizýde. Taǵam ónimderinen synama alynǵan, biraq zerthanalyq saraptamanyń nátıjeleri áli jarııalanǵan joq. Alǵashqy zerthanalyq saraptama nátıjeleri aldaǵy aptada belgili bolady dep kútilýde.