جاڭالىقتار
پاۆلوداردا مەملەكەتارالىق ىزدەۋدە جۇرگەن شەتەل ازاماتى ۇستالدى
پاۆلودار وبلىسىندا ءوتىپ جاتقان «زاڭسىز كەلۋشى» جەدەل-پروفيلاكتيكالىق ءىس-شاراسى اياسىندا قۇقىق قورعاۋ ورگاندارى اسا ءىرى كولەمدەگى الاياقتىق قىلمىسى بويىنشا مەملەكەتارالىق ىزدەۋدە جۇرگەن شەت مەملەكەتتىڭ ازاماتىن انىقتاپ, قولعا ءتۇسىردى, دەپ حابارلايدى Qandastar.kz.
كۇدىكتى وڭىردەگى ونەركاسىپتىك نىسانداردىڭ بىرىندە ۇستالدى. قازىرگى تاڭدا اتالعان ازامات ۋاقىتشا ۇستاۋ يزولياتورىنا قامالدى.
پاۆلودار وبلىستىق پوليتسيا دەپارتامەنتىنىڭ مالىمەتىنشە, ونى ىزدەستىرۋگە باستاماشى بولعان مەملەكەتكە ەكستراديتسيالاۋ راسىمدەرى جۇرگىزىلۋدە. ءىس-شارا بارىسىندا كوشى-قون زاڭناماسىنىڭ ساقتالۋىن تەكسەرۋ ناتيجەسىندە ءۇش كۇن ىشىندە 262 ادام اكىمشىلىك جاۋاپكەرشىلىككە تارتىلدى. ونىڭ ىشىندە 175-ءى – شەتەل ازاماتتارى, 87-ءسى – قازاقستان ازاماتتارى. سونىمەن قاتار 13 شەتەلدىك ەل اۋماعىنان شىعارىلدى, ال 5 ءىس ازاماتتىق سوت ءوندىرىسى تارتىبىمەن قاراۋعا جولداندى.
