ءبىلىم
پاۆلوداردا مۇعالىم وقۋشىعا ينە تىعىپ العان
فوتو: اشىق دەرەككوز
ماتەماتيكا ءپانىنىڭ مۇعالىمى وقۋشىنى تاقتاعا شاقىرىپ, ول مىسالداردى شەشىپ جاتقان كەزدە, ونىڭ ارقاسىنا ينە شانشىپ العان. بۇل وقيعا پاۆلودار قالاسىنداعى №26 مەكتەپتە بولعانىن @kerekpv حابارلادى, دەپ مالىمدەيدى qandastar.kz
مەكتەپكە پوليتسيا شاقىرىلعان. الايدا مەكتەپ ديرەكتورى مۇعالىمنىڭ قىزمەتىنەن بوساتىلعانىن مالىمدەدى. ونىڭ مۇنداي ارەكەتكە نە سەبەپتى بارعانى بەلگىسىز.
زارداپ شەككەن وقۋشىنىڭ اپكەسى كەيبىر مالىمەتتەرمەن ءبولىستى. ونىڭ ءىنىسى 9-سىنىپتا وقيدى. ايتۋىنشا, ول سپورتشى, سابىرلى جانە جانجالعا بارمايتىن بالا. كابينەتتە كامەرا بولعان, جانە كادرلاردا ءجاسوسپىرىمنىڭ مۇعالىمگە ءازىل نەمەسە ارانداتۋشىلىق ارەكەت جاساماعانى انىق كورىنەدى.
ماتەماتيكا ءپانىنىڭ مۇعالىمى بۇل ارەكەتتى نە ءۇشىن جاساعانىن تۇسىندىرە المادى.
بالانىڭ وتباسى پوليتسياعا ارىز جازدى.
ينەنىڭ قانداي بولعانى ازىرگە بەلگىسىز. مۇعالىمنىڭ ايتۋىنشا, ول ينەنى لاقتىرىپ جىبەرگەن. ال پوليتسيا دەپارتامەنتى بۇل ينە ەمەس, بۇراندا بولعان دەپ مالىمدەدى.
