پاۆلوداردا ءۇيدىڭ اۋلاسىنان ەر ادامنىڭ ءمايىتى تابىلدى

پاۆلودار قالاسىندا ماحامبەت باتىر كوشەسىندە ورنالاسقان تۇرعىن ءۇيدىڭ اۋلاسىنان ەر ادامنىڭ ءمايىتى تابىلدى, دەپ حابارلايدى qandastar.kz سايتى.

الەۋمەتتىك جەلىدە تاراعان اقپاراتقا سايكەس, وقيعا ماحامبەت باتىر كوشەسىندەگى №2 ءۇيدىڭ اۋلاسىندا بولعان. وقيعا ورنىنا العاشقى بولىپ جەتكەن تۇرعىندار ەر ادامنىڭ ەس-ءتۇسسىز جاتقانىن كورىپ, شۇعىل تۇردە جەدەل جاردەم مەن پوليتسيا شاقىرتقان.

بۇل جاعدايدى پاۆلودار وبلىستىق پوليتسيا دەپارتامەنتى راستادى.

«م.باتىر كوشەسى, 2-ءۇي اۋلاسىنان ەر ادامنىڭ دەنەسى تابىلعانى تۋرالى حابار بويىنشا قر قك 001-بابى بويىنشا سوتقا دەيىنگى تەرگەۋ باستالدى. قازىرگى ۋاقىتتا وقيعانىڭ ءمان-جايى مەن سەبەپتەرى انىقتالىپ جاتىر»,– دەپ حابارلادى ۆەدومستۆونىڭ ءباسپاسوز قىزمەتى.

قازىرگى ۋاقىتتا وقيعانىڭ سۋيتسيد نەمەسە باسقا ءبىر قىلمىستىق ارەكەت ناتيجەسى بولعان-بولماعانى بەلگىسىز. ءتيىستى ساراپتامالار مەن تەرگەۋ امالدارى جۇرگىزىلىپ جاتىر.