جاڭالىقتار
پاۆلوداردا جانتۇرشىگەرلىك جول اپاتىنان بىرنەشە ادام قازا تاپتى
فوتو: پاۆلودار وبلىسى پد
پاۆلودار وبلىسىندا جانتۇرشىگەرلىك جول اپاتىنان ەكى بىردەي ادام قازا تاپتى, دەپ حابارلايدى qandastar.kz
وبلىستىق پد مالىمەتىنشە, «اتامەكەن – اقتوعاي – رەسەيدىڭ رۋسسكايا پوليانا» اۆتوجولىندا بولعان جكو بويىنشا قىلمىستىق ءىس قوزعالدى
الدىن الا دەرەكتەرگە سايكەس, 30 تامىز كۇنى «شەۆرولە» اۆتوكولىگىنىڭ جۇرگىزۋشىسى رولگە يە بولا الماي, اۋدارىلىپ قالعان. جول-كولىك وقيعاسى سالدارىنان 2 ادام قازا تاۋىپ, تاعى 3 ادام اۋرۋحاناعا جەتكىزىلدى.
وقيعانىڭ ءمان-جايى مەن سەبەپتەرى تەرگەۋ بارىسىندا انىقتالاتىن بولادى.
پوليتسيا دەپارتامەنتى مۇنداي جاعدايلاردىڭ الدىن الۋ ءۇشىن جول قوزعالىسىنا قاتىسۋشىلارعا جىلدامدىق رەجيمىن قاتاڭ ساقتاۋدىڭ, اسىرەسە قوزعالىسى قارقىندى جول ۋچاسكەلەرىندە, سونداي-اق كولىك قۇرالدارىنىڭ تەحنيكالىق جاعدايىن ۇنەمى باقىلاۋدىڭ ماڭىزدىلىعىن ەسكە سالادى, — دەپ جازىلعان پد حابارلاماسىندا.
