جاڭالىقتار
پاۆلوداردا جول اپاتىن ورىن الىپ, 16 جاستاعى قىز قازا تاپتى
فوتو: اشىق دەرەككوز
پاۆلوداردا كولىك اعاشقا سوعىلىپ, 16 جاستاعى قىز قازا تاپتى. تاعى ەكى جولاۋشى مەن جۇرگىزۋشى اۋرۋحانادا جاتىر, دەپ جازدى qandastar.kz پاۆلودار وبلىسى پوليتسيا دەپارتامەنتىنىڭ مالىمەتىنە سۇيەنىپ.
«Mercedes كولىگىنىڭ جۇرگىزۋشىسى نازارباەۆ داڭعىلىمەن كەلە جاتىپ, دوڭگەلەگى جول جيەگىنە قاراي سىرعاناپ كەتكەن. سوسىن اعاشقا سوعىلعان. سالدارىنان جۇرگىزۋشى مەن ءۇش جولاۋشى اۋرۋحاناعا جاتقىزىلدى», – دەلىنگەن حابارلامادا.
Instagram جەلىسىندە جاريالانعان ۆيدەودان كولىكتىڭ جولدان شىعىپ كەتكەنىن بايقاۋعا بولادى.
پاۆلودار وبلىسىنىڭ بالالار قۇقىقتارىن قورعاۋ جونىندەگى ۋاكىلى ساۋلە شاكەنەۆانىڭ ايتۋىنشا, ءۇش جولاۋشى دا ءجاسوسپىرىم.
«19 جاستاعى جۇرگىزۋشى باسقارعان كولىكتە كامەلەتكە تولماعان ءۇش بالا بولعان. 16 جاستاعى ءبىر جولاۋشى قازا تاپتى. ەكىنشىسى, 15 جاستا, جاعدايى وتە اۋىر, وعان وتا جاسالدى. تاعى ءبىر 15 جاستاعى جولاۋشى مەن جۇرگىزۋشى جاراقاتپەن اۋرۋحاناعا جەتكىزىلدى», – دەدى شاكەنەۆا.
جاسوسپىرىمدەر كولىكتى ەرەسەك ادامداردىڭ باسقارۋىنسىز جۇرگىزگەن. ۋاكىلدىڭ سوزىنشە, جاراقات العان بالالاردىڭ اتا-انالارى, كامەلەتكە تولماعانداردىڭ تۇنگى ساعات 11-دەن كەيىن ۇيدەن تىس جەردە بولعانى ءۇشىن اكىمشىلىك جازاعا تارتىلادى.
