Pavlodarda jol apatyn oryn alyp, 16 jastaǵy qyz qaza tapty

Foto: ashyq derekkóz

Pavlodarda kólik aǵashqa soǵylyp, 16 jastaǵy qyz qaza tapty. Taǵy eki jolaýshy men júrgizýshi aýrýhanada jatyr, dep jazdy qandastar.kz Pavlodar oblysy polıııa departamentiniń málimetine súıenip.

«Mercedes kóliginiń júrgizýshisi Nazarbaev dańǵylymen kele jatyp, dóńgelegi jol jıegine qaraı syrǵanap ketken. Sosyn aǵashqa soǵylǵan. Saldarynan júrgizýshi men úsh jolaýshy aýrýhanaǵa jatqyzyldy», – delingen habarlamada.

Instagram jelisinde jarııalanǵan vıdeodan kóliktiń joldan shyǵyp ketkenin baıqaýǵa bolady.

Pavlodar oblysynyń balalar quqyqtaryn qorǵaý jónindegi ýákili Sáýle Shákenevanyń aıtýynsha, úsh jolaýshy da jasóspirim.

«19 jastaǵy júrgizýshi basqarǵan kólikte kámeletke tolmaǵan úsh bala bolǵan. 16 jastaǵy bir jolaýshy qaza tapty. Ekinshisi, 15 jasta, jaǵdaıy óte aýyr, oǵan ota jasaldy. Taǵy bir 15 jastaǵy jolaýshy men júrgizýshi jaraqatpen aýrýhanaǵa jetkizildi», – dedi Shákeneva.

Jasóspirimder kólikti eresek adamdardyń basqarýynsyz júrgizgen. Ýákildiń sózinshe, jaraqat alǵan balalardyń ata-analary, kámeletke tolmaǵandardyń túngi saǵat 11-den keıin úıden tys jerde bolǵany úshin ákimshilik jazaǵa tartylady.