پاۆلودارعا «باكتيتسيد» پرەپاراتى جەتكىزىلدى

پاۆلودارعا «باكتيتسيد» پرەپاراتىنىڭ العاشقى پارتياسى جەتكىزىلدى. بيولوگيالىق قوسپا قانسورعىش جاندىكتەرگە قارسى قولدانىلادى. بيىل وڭىردە شىبىن-شىركەيدى جويۋ الگوريتمى وزگەرگەن.

بۇعان دەيىن 70 مىڭ گەكتار القاپ وڭدەۋدەن وتسە, ەندى بۇل جۇمىستار 127 مىڭ گەكتار جەردە جۇرگىزىلەدى. دەزينسەكتسيالىق شارالار شالعاي جاتقان ەلدى مەكەندەردى دە قامتيدى. ەرتىس وزەنى مەن ونىڭ جەتى ارناسىن ءۇش قايتارا زارارسىزداندىرۋ كوزدەلىپ وتىر.

بۇل ىسكە سەگىز اۋە بورتى جۇمىلدىرىلادى. ولاردىڭ تورتەۋى اۋداندا, تورتەۋى وبلىس اۋماعىندا ورنالاسادى. قازىر دەزينسەكسيالىق ماۋسىمعا دايىندىق قىزعان. وبلىس وسى ماقساتقا الداعى ءۇش جىلدا سەگىز ميلليارد تەڭگەگە جۋىق قارجى جۇمسايدى.  ايگەرىم قابىلتاەۆا,  وبلىستىق جەر قويناۋىن پايدالانۋ, قورشاعان ورتا جانە سۋ رەسۋرستارى باسقارماسىنىڭ باسشىسى: — بيىلعى جىلى قوسىمشا ءتورت اۋدان وبلىستىق مەردىگەرمەن وڭدەلەتىن بولعاندىقتان ولاردا دا 59 ەلدىمەكەندەر ءبىزدىڭ وبلىستىق مەردىگەردىڭ كۇشىمەن جۇمىستار جۇرگىزىلەتىن بولادى.

وسى ءساۋىر ايىنان باستاپ ءبىزدىڭ عىلىمي توپ فەنولوگيالىق جۇمىستارعا كىرىسەتىن بولادى. ولاردىڭ ۇسىنىستارى بويىنشا مامىر ايىنىڭ باسىندا جۇمىستار باستالادى. بيىلعى ماۋسىمعا 157 توننا بيولوگيالىق پرەپارات كوزدەلىپ وتىر. ونىڭ بۇگىن العاشقى پارتياسى, 60 توننا مولشەرىندە كەلىپ وتىر. قانات احمەتوۆ, بيولوگيا عىلىمدارىنىڭ دوكتورى, پروفەسسور: — بۇل جۇمىستاردى مىندەتتى تۇردە قاداعالاۋ كەرەك. ايتپەسە ونىڭ ناتيجەسى بولمايدى. ماسانىڭ ءونىپ شىعاتىن جەرلەرى كوپ بولادى. ياعني اۋقىمدارى كوپ بولادى.

وسىعان بايلانىستى ءاربىر القاپتى تانۋ كەرەك, سودان سوڭ دەرناسىلدەرىن انىقتاۋ كەرەك. بۇل ەندى عىلىمي توپتىڭ جۇمىسى. وسى عىلىمي توپتىڭ جۇمىسىنا بايلانىستى ىستەلگەن جۇمىستاردىڭ ناتيجەسى دە سوعان بايلانىستى بولادى كوبىنەسە.