PAVLODARǴA «BAKTIID» PREPARATY JETKIZILDI

Pavlodarǵa «Baktııd» preparatynyń alǵashqy partııasy jetkizildi. Bıologııalyq qospa qansorǵysh jándikterge qarsy qoldanylady. Bıyl óńirde shybyn-shirkeıdi joıý algorıtmi ózgergen.

Buǵan deıin 70 myń gektar alqap óńdeýden ótse, endi bul jumystar 127 myń gektar jerde júrgiziledi. Dezınsekııalyq sharalar shalǵaı jatqan eldi mekenderdi de qamtıdy. Ertis ózeni men onyń jeti arnasyn úsh qaıtara zararsyzdandyrý kózdelip otyr.

Bul iske segiz áýe borty jumyldyrylady. Olardyń tórteýi aýdanda, tórteýi oblys aýmaǵynda ornalasady. Qazir dezınseksııalyq maýsymǵa daıyndyq qyzǵan. Oblys osy maqsatqa aldaǵy úsh jylda segiz mıllıard teńgege jýyq qarjy jumsaıdy.  Áıgerim Qabyltaeva,  oblystyq jer qoınaýyn paıdalaný, qorshaǵan orta jáne sý resýrstary basqarmasynyń basshysy: — Bıylǵy jyly qosymsha tórt aýdan oblystyq merdigermen óńdeletin bolǵandyqtan olarda da 59 eldimekender bizdiń oblystyq merdigerdiń kúshimen jumystar júrgiziletin bolady.

Osy sáýir aıynan bastap bizdiń ǵylymı top fenologııalyq jumystarǵa kirisetin bolady. Olardyń usynystary boıynsha mamyr aıynyń basynda jumystar bastalady. Bıylǵy maýsymǵa 157 tonna bıologııalyq preparat kózdelip otyr. Onyń búgin alǵashqy partııasy, 60 tonna mólsherinde kelip otyr. Qanat Ahmetov, bıologııa ǵylymdarynyń doktory, professor: — Bul jumystardy mindetti túrde qadaǵalaý kerek. Áıtpese onyń nátıjesi bolmaıdy. Masanyń ónip shyǵatyn jerleri kóp bolady. Iaǵnı aýqymdary kóp bolady.

Osyǵan baılanysty árbir alqapty taný kerek, sodan soń dernásilderin anyqtaý kerek. Bul endi ǵylymı toptyń jumysy. Osy ǵylymı toptyń jumysyna baılanysty istelgen jumystardyń nátıjesi de soǵan baılanysty bolady kóbinese.