Pedagogıka salasynda 9 myń bos jumys orny tirkelgen

Foto: Tengrınıýs

Qazaqstanda suranysqa ıe 5 mamandyq tizimi shyqty, – dep habarlaıdy qandastar.kz atamekenbusiness telegram arnasyna silteme jasap. 

1) Injenerııa

19 myń bos oryn

Kez kelgen eldegi tapshy mamandyqtardyń biri. Bilikti ári bilimdi mamandardyń kómegimen qurylys ındýstrııasy jáne ónimniń avtomattandyrylǵan deńgeıi artady. Qandaı jaǵdaı bolmasyn, elde daǵdarys bola qalǵan kúnniń ózinde ınjenerlerdiń suranysta bolatyny anyq. HHI ǵasyrdaǵy ınjenerlerge qoıylatyn qos birdeı talap bar: biri – aǵylshyn tilin jetik meńgerý, ekinshisi – jańa tehnologııa tilin jetik túsiný.

2) IT salasy

16 myń bos oryn

Álemde qazir IT salasy boıynsha Úndistan aldyńǵy orynda tur. Kompıýterdi qurastyrý men saıt jasaý kez kelgen tehnıka tilin meńgergen mamanǵa tańsyq emes. Alaıda onyń kúrdeli fýnkııalaryn atqarý, damytý, ereksheleý sekildi tekterin meńgerý basqa áńgime. Bizdiń bilimdi jastar matematıka salasynda eń úzdikter qatarynda. Endeshe, búgin jáne erteń joıylyp ketpeıtin mamandyq osy IT salasy.

3) Veb-dızaıner

12 myń bos oryn

Bul bolashaqtyń mamandyǵy. Sebebi, saıt kez-kelgen kompanııanyń aınasy, tutynýshy men qoldanýshy arasyndaǵy kópir. Jaqsy jasalynǵan saıt kompanııalarǵa kóp múmkindik beredi. Sondyqtan ony tartymdy jáne zaman talabyna saı jasaıtyn maman joǵary jalaqy men suranysqa ıe bolary sózsiz.

4) Pedagog

Muǵalim – elektrondy eńbek bırjasynda 9,2 myń bos oryn;
Matematıka muǵalimi (algebra jáne geometrııa) – 3,5 myń bos oryn;
Bastaýysh synyp muǵalimi – 3,3 myń bos oryn.

Qazaqstannyń eńbek naryǵynda 5-7 jylda suranysqa ıe bolatyn mamandyqtar tizimine– pedagogıka salasy enip otyr. Sebebi, elimizde qazirdiń ózinde birneshe oblys «qyzyl aımaqqa» engen. Iaǵnı, óńirlerde muǵalim tapshylyǵy baıqalady. Biraq, mamandyq tańdaǵanda qyzyǵýshylyq pen qabilet bolmasa, «máńgilik mamandyq» retinde muǵalimdikti tańdap, ózińdi qınaýǵa bolmaıdy.

5) Esepshi

7 myń bos oryn

Qazirgi ýaqytta býhgalterııa men aýdıt boıynsha kóptegen kompanııalar aýtsorsıngtik kompanııalarǵa júginip júrgenimen, esepshi mamandyǵy eshqashan suranystan túsken emes. Ásirese, damyǵan jáne damýshy elderde óz statýsyn joǵaltpaıdy. Elimizde 7 myń bos oryn tur.