«پەنتحاۋستىڭ جالپى اۋدانى – 164 شارشى مەتر»: بولات نازارباەۆتىڭ نيۋ-يوركتەگى پاتەرى 2 ميلليون دوللارعا ساتىلىمعا قويىلدى

فوتو: t.me/off_shores/” ساليقالى ۇرپاق” قوعامدىق قورى

بۇل پاتەر –  مارقۇم بولات نازارباەۆتىڭ وسى ۋاقىتقا دەيىن جۇرتقا بەلگىلى امەريكاداعى سوڭعى جىلجىمايتىن مۇلكى.

بىلتىر قاراشادا دۇنيەدەن وتكەن ەكس-پرەزيدەنتتىڭ ءىنىسى بولات نازارباەتىڭ نيۋ-يوركتەگى پاتەرى 1,995 ميلليون دوللارعا ساتىلىمعا شىعارىلدى, دەپ حابارلايدى qandastar.kz Skifnews.kz اقپارات پورتالىنا سىلتەمە جاساپ. 

نيۋ-يوركتەگى جەرگىلىكتى جىلجىمايتىن م ۇلىك اگرەگاتورلارىنىڭ مالىمەتىنشە, بولات نازارباەۆتىڭ پاتەرى Wall Street 55 مەكەن جايىندا ورنالاسقان. بۇل پاتەر –  مارقۇم بولات نازارباەۆتىڭ وسى ۋاقىتقا دەيىن جۇرتقا بەلگىلى امەريكاداعى سوڭعى جىلجىمايتىن مۇلكى.

Wall Street 55 مەكەن جايىندا بىر كەزدەرى نيۋ-يورك قور بيرجاسى, كەدەن جانە Citibank كەڭسەلەرى ورنالاسقان ەدى. نىسان يەلەرى عيماراتتى كوندومينيۋمعا اينالدىرماس بۇرىن, وندا ءساندى قوناقۇي بولعان. 2006 جىلى سوڭعى جوندەۋدەن كەيىن عيماراتتاعى پاتەرلەردى العاشقى بولىپ اكتەر ميككي رۋرك پەن سۋپەرمودەل ناومي كەمپبەلل ساتىپ الدى. 2007 جىلى بولات نازارباەۆ سول عيماراتتان پاتەر ساتىپ الىپ, تانىمال تۇلعالارمەن كورشى تۇردى.

“پەنتحاۋستىڭ جالپى اۋدانى – 164 شارشى مەتر. ونىڭ ىشىندە ەكى جاتىن بولمەسى, اس جانە قوناق بولمەسى, ۇش جۋىناتىن بولمەسى مەن كەڭ تەرراساسى بار. 2,7 ميلليون دوللارعا ساتىلىپ الىنعان پەنتحاۋس العاشىندا بولات نازارباەۆتىڭ وگەي بالاسى, مايرا قۇرمانعاليەۆادان تۋعان دانياردىڭ اتىنا جازىلدى. سونداي-اق ونىڭ اتىندا دال وسى عيماراتتان تاعى ءبىر پاتەر بار. №702 پاتەردى دانيار 2011 جىلى 940 مىڭ دوللارعا ساتپاقشى بولعان. بىراق بولات نازارباەۆ مايرامەن اراداعى جانجالدان كەيىن بۇل م ۇلىكتى قايتارىپ العان”, – دەپ جازدى “ۆىحود ك موريۋ” Telegram ارناسى.

مايرا قۇرمانعاليەۆا سوت ارقىلى بۇرىنعى كۇيەۋىنەن بايلىعىنىڭ جارتىسىن, ونىڭ ىشىندە اقش-تاعى جىلجىمايتىن مۇلكىن تالاپ ەتكەن. ناتيجەسىندە 2011 جىلى قۇرمانعاليەۆا الاياقتىق جاساپ, ادام ۇرلادى دەپ ايىپتالىپ, قازاقستاندا ىزدەۋگە جاريالاندى.

بولات نازارباەۆ وگەي ۇلى مەن بۇرىنعى ايەلىن وزىنەن ونداعان ميلليون دوللار اقشا ۇرلادى دەپ ايىپتاپ, نيۋ-يوركتەگى سوتقا جۇگىندى. بولات پەن مايرا اراسىنداعى سوت پروتسەسى بىرنەشە جىلعا سوزىلدى. ناتيجەسىندە بولات نازارباەۆتىڭ نيۋ-دجەرسيدەگى قۇنى 20 ميلليون دوللار تۇراتىن ءزاۋلىم ۇيىنە مايرا قۇرمانعاليەۆا مەن ونىڭ ۇلى يە بولدى. ەسەسىنە, ولار مايامي مەن نيۋ-يوركتەگى پاتەرلەردى تالاپ ەتپەيتىندەرىن جەتكىزدى. اقىرى بولات نازارباەۆ فلوريداداعى جىلجىمايتىن م ۇلىكتى 1,4 ميلليون دوللارعا ساتقان.

Telegram ارنانىڭ مالىمەتىنشە, 2 ميلليونعا ساتىلىمعا قويىلعان پەنتحاۋستى بولات نازارباەۆ 2016 جىلى ءوزىنىڭ كومەكشىسى باتىرجان احمەتوۆتىڭ اتىنا جازعان. باتىرجان احمەتوۆ سول كەزدە نازارباەۆتىڭ جەكە كوللەكتورلىق اگەنتتىگى مەن باسقا دا بىرقاتار شاعىن فيرمالاردى باسقارعان ەدى. نيۋ-يورك جىلجىمايتىن م ۇلىك تىزىلىمىنە سەنسەك, پەنتحاۋس ءالى كۇنگە دەيىن باۋىرجان احمەتوۆتىڭ اتىندا. سونىمەن قاتار جىلجىمايتىن م ۇلىك اگرەگاتورلارىنىڭ دەرەگىنشە, پەنتحاۋس وتكەن جىلدىڭ جازىنان باستاپ, ياعني بولات نازارباەۆتىڭ كوز تىرىسىندە ساتىلىمعا قويىلعان.

2022 جىلعى قاڭتارداعى وقيعادان كەيىن بولات نازارباەۆ پەن ونىڭ مۇراگەرلەرى جىلدار بويى جيناعان مۇلكىنىڭ ءبىر بولىگىنەن ايىرىلدى. بازارلار, كاسىپورىندار مەن سەرىكتەستىكتەردەگى ۇلەسى مەن جۇزدەگەن گەكتار جەر تاركىلەندى. بولات نازارباەۆ رەيدەرلىك باسىپ الۋعا قاتىسى بار دەگەن ايىپتاۋلاردىڭ استىندا قالدى. تاركىلەنگەن م ۇلىكتىڭ ءبىر بولىگى مەملەكەتكە قايتارىلدى.