جاڭالىقتار
پەريزات ىسىندە نەگىزگى فيگۋرانتتار تاسادى قالدى – ارۋجان ساين
كوللاج: sn.kz
پەريزاتتى 10 جىلعا, اناسىن 7 جىلعا سوتتاعان اسا ءىرى الاياقتىق وقيعاسىنا قاتىستى ارۋجان ساين پىكىر ءبىلدىردى. ونىڭ پىكىرىنشە, ءۇش جىل ىشىندە 3,5 ميلليارد تەڭگە جيناعان قوردىڭ ارەكەتى ەشقانداي لوگيكاعا سىيمايدى, دەپ حابارلايدى qandastar.kz
«ءۇش جىلدا 3,5 ميلليارد تەڭگە جيناۋ قيال عاجايىپپەن پارا-پار جاعداي. ەل ىشىنە اسا تانىمال ەمەس, جەلوكپە, جاڭادان پايدا بولعان ەرىكتىلەردىڭ اكىمشىلىك رەسۋرستىڭ قولداۋىنسىز مۇنداي كولەمدە قارجى جيناۋى مۇلدە مۇمكىن ەمەس.
مەنىڭ انىق كوز جەتكىزگەنىم قوردىڭ ارتىندا Nur Otan (قازىرگى Amanat) پارتياسى تۇردى. ايماقتاردا پارتيانىڭ وتىرىستارىندا قوردى قولداۋ قاجەتتىگى اشىق ايتىلعانىن سوت كەزىندە دە ەستىدىك.
وسىنداي ۇندەۋلەردەن كەيىن كاسىپكەرلەر مۇنى مىندەت دەپ قابىلداعانى ءسوزسىز», – دەيدى ساين Informburo-عا بەرگەن سۇحباتىندا.
سوزىنشە, قور پاندەميا كەزىندە كەڭ تانىلعان «Biz Birgemiz» ۇرانىن قولدانعان سوڭ, حالىق ونى بيلىكپەن بايلانىستى دەپ ويلاپ, ءشۇباسىز سەنگەن.
Skifnews.kz جازعانداي, قوعام بەلسەندىسى 9 سىنىپتىق ءبىلىمى بار پەريزاتتىڭ جالعىز ءوزى وسىنشاما كۇردەلى وپەراتسيانى ۇيىمداستىرۋى ەكىتالاي دەيدى.
ونىڭ پايىمداۋىنشا, بۇل جەردە ودان الدەقايدا ىقپالدى ادامداردىڭ كولەڭكەسى كورىنەدى.
«جاس قىزدىڭ اناسىمەن بىرگە ءىستى بولىپ وتىرعانىنا قاراپ, بۇلاردىڭ ارتىندا وزگە دە قولداۋشىلار بار دەپ بىلەمىن. ەگەر پەريزات وسى جۇيەنىڭ قالاي جۇمىس ىستەگەنىن, اقشا قايدا, كىمگە كەتكەنىن, كىممەن قالاي بولىسكەنىن اشىق ايتسا, تەرگەۋدىڭ ارى قاراي جىلجۋىنا مۇمكىندىك تۋار ەدى. بۇدان پايدا كورگەن نەگىزگى بەنەفيتسارلاردى انىقتاۋعا بولادى. مەنى الاڭداتاتىنى ناقتى ۇيىمداستىرۋشىلاردىڭ تاسادا قالىپ قويۋى», – دەدى ارۋجان ساين.
