پەريزات قايرات باسقارعان Biz Birgemiz قورىندا 10 قۇرىلتايشى بار: ولار كىمدەر?

سان پىكىر

«ەرىكتىلەر قوزعالىسىنىڭ بەلسەندىسى ءارى قوعامدىق قايىرىمدىلىق قورىنىڭ قۇرىلتايشىسى پەريزات قايرات ۇستالدى» دەگەن اقپارات كەشەلى بەرى باق-تاردان باستاپ بۇكىل الەۋمەتتىك جەلىدە قىزۋ تالقىلانىپ جاتىر. مادەنيەت جانە اقپارات ءمينيسترى ايدا بالاەۆادان باستاپ, Biz Birgemiz قورىن بىلگەن, ەستىگەن, اقشا اۋدارعان ادامدار ءبىر اۋىز پىكىرىن قالدىرىپ, بولعان وقيعاعا ءۇن قوسادى. ءبىرى كىنالايدى, ەكىنشىسى “كىناسىزدىك پرەزۋمپتسياسى ساقتالماي بىرجاقتى ايىپ تاعىلىپ وتىر” دەپ ەسەپتەيدى. سان پىكىردىڭ تۋىنداۋىنا قارجى مونيتورينگى اگەنتتىگىنىڭ پەريزات قايراتتىڭ “600 ملن تەڭگەگە ءۇي الىپ, ەڭ قىمباتى 88 ملن تەڭگەنىڭ كولىگىن ءمىنىپ, بەسجۇلدىزدى قوناقۇيلەردە دەمالعانى” جايلى اقپارات تاراتقانى “تۇزدىق” بولا تۇسكەندەي. پىكىر قالدىرعانداردىڭ كەيبىرى بۇل تەك تەرگەۋ نۇسقاسى ەكەنىن ەسەپكە الماي جازعانى بايقالادى.

سونىمەن قۇرىلتايشىلار كىمدەر

Ulysmedia.kz رەسمي اشىقدەرەككوزدەر ارقىلى پەريزات قايرات باسقارعان Biz Birgemiz قورى جايلى مالىمەتتەرگە ءۇڭىلىپ كوردى. قوردىڭ العاش استانا قالاسىنىڭ ادىلەت دەپارتامەنتى 2021 جىلى قاراشادا تىركەگەن. قوردىڭ تولىق اتاۋى – «Biz Birgemiz Qazaqstan 2030» قوعامدىق بىرلەستىگى.

قوردىڭ قۇرىلتايشىلارىنىڭ تىزىمىندە پەريزات قايراتتىڭ وزىمەن قوسقاندا 10 ادام بار. ولار:

• ماتيۋشەنكو سەرگەي ۆلاديميروۆيچ
• ماعزۇم ارسلانبەك تالعات ۇلى
• تۇرعانباي شاديار دوكتور ۇلى
• امانباي ارۋجان ورازبايقىزى
• بولىسوۆ توحتار كوممۋناروۆيچ
• حيسماتۋللين دامير ساكەنوۆيچ
• سەريكجانوۆا ايگەريم تەلجانوۆنا
• سەيتكامال گۇلناز نۇرلانقىزى
• حافيز ايان باۋىرجان ۇلى.

تىزىمدەگى قۇرىلتايشىلاردىڭ ءبىرازىنىڭ ەسىمى Amanat پارتياسىمەن بايلانىستى. ماسەلەن, سەرگەي ماتيۋشەنكو پارتيانىڭ استانا قالاسى بايقوڭىر اۋداندىق فيليالىنىڭ اتقارۋشى حاتشىسى. ەلوردالىق ازاماتتىق اليانستى ديرەكتورى بولعانىن الەۋمەتتىك جەلىدە جازادى. ءوزىن جەلىدە قازاق ءتىلىن بىلەتىن ۋكراين دەپ تانىستىرادى.

ماعزۇم ارسلانبەك استانا قالاسى «Amanat» پارتياسى جانىنداعى «جاستار رۋحى» جق فيليالىنىڭ توراعاسى. 2023 جىلعى 29 ناۋرىزدا استانا قالاسى ءماسليحاتىنىڭ VIII سايلانىمىنىڭ دەپۋتاتى بولىپ سايلانعان.

بولىسوۆ توحتار كوممۋناروۆيچ اشىق دەرەككوزدەردە INMODE جانە CONSULT-INVEST ITIC كومپانياسىنىڭ جەتەكشىسى رەتىندە كورسەتىلگەن. ونىڭ سونىمەن بىرگە, عىلىم جانە جوعارى ءبىلىم ءمينيسترىنىڭ جاستار ساياساتى جونىندە كەڭەسشىسى ەكەنى جازىلعان. 2018-2024 جىلدار ارالىعىندا قازاقستان جاستار كونگرەسىنىڭ اتقارۋشى ديرەكتورى بولعان.

سەريكجانوۆا ايگەريم تەلجانوۆنا Amanat پارتياسى جانىنداعى «جاستار رۋحى «جاستار قاناتى» قوعامدىق بىرلەستىگىنىڭ استانا قالالىق فيليالىنىڭ بۇرىنعى قۇرىلتايشىسى جانە SAT MEDIA كومپانياسىنىڭ باسشىسى.

حافيز ايان باۋىرجان ۇلى – Amanat پارتياسى جانىنداعى «جاستار رۋحى» جاستار قاناتى » قوعامدىق بىرلەستىگىنىڭ استانا قالالىق فيليالىنىڭ بۇرىنعى قۇرىلتايشىسى.

تىزىمدەگى باسقا قۇرىلتايشىلار جونىندە اشىق اقپارات كوزدەرىندە مالىمەت تابىلمادى.