پەريزات قايرات ەكى ايعا قاماۋعا الىندى

«2024 جىلعى 15 قاراشادا سوتقا تەرگەۋ ورگاندارىنىڭ كۇدىكتى پەريزات قايرات-قا قاتىستى 2 ايعا دەيىنگى مەرزىمگە قاماۋدا ۇستاۋ تۇرىندەگى بۇلتارتپاۋ شاراسىن سانكتسيالاۋ تۋرالى ءوتىنىشى كەلىپ ءتۇستى», – دەلىنگەن استانانىڭ تەرگەۋ سوتىنىڭ ءباسپاسوز قىزمەتى تاراتقان حابارلامادا.

ۆەدومستۆو 2024 جىلعى 16 قاراشاداعى قاۋلىسىمەن بۇل ءوتىنىش قاناعاتتاندىرىلدى.

قر قپك-ءنىڭ 201-بابىنا سايكەس وزگە دەرەكتەر جاريالانبايدى.

ەسكە سالايىق, بۇعان دەيىن پەريزات قايراتتىڭ قازاقستاندا كوكتەمگى سۋ تاسقىنىنان زارداپ شەككەندەرگە كومەك رەتىندە جينالعان 1,5 ملرد تەڭگەنى جىمقىردى دەگەن كۇدىكپەن ۇستالعانىن حابارلاعان ەدىك.

ال بۇگىن, 16 قاراشادا ونىڭ زاڭسىز ارەكەتىنىڭ تاعى ءبىر ەپيزودى انىقتالدى.