Perızat Qaırat isi sotqa joldandy

Foto:BAQ.KZ

Volonter Perızat Qaırat pen onyń anasyna qatysty is sotqa joldandy. Bul týraly Bas prokýratýra málimdedi, dep habarlaıdy  qandastar.kz     BAQ.KZ tilshisine silteme jasap.

Bas prokýratýra Perızat Qaıratqa jáne Gaını Alashbaevaǵa qatysty qylmystyq isti máni boıynsha qaraý úshin Astana qalasynyń qylmystyq ister jónindegi aýdanaralyq sotyna jiberdi.

Bul adamdar Qazaqstan Respýblıkasynyń azamattary men uıymdarynan múgedek balalarǵa, sondaı-aq Qazaqstanda sý tasqynynan jáne Taıaý Shyǵystaǵy qaqtyǵystan zardap shekken adamdarǵa qaıyrymdylyq kórsetý jeleýimen jınalǵan 3 mıllıardtan astam teńgeni jymqyrýdy dep aıyptalyp otyr.

QMA ókili ataǵandaı, qylmystyq is boıynsha kúdikti retinde eki adam, ıaǵnı Perızat Qaırat pen onyń anasy tanylyp otyr. 2025 jyldyń 4 sáýirinde  Perızat Qaırattyń anasy Gaını Alashbaeva úı qamaqqa alynǵan bolatyn.

Tergeý barysynda anyqtalǵandaı, 2021 jyldan 2024 jylǵa deıin Perızat Qaırat túrli qaıyrymdylyq akııalary arqyly jalpy somasy 3,5 mıllıard teńge kóleminde qarajat jınap, ony óz paıdasyna jaratqan. Mundaı qarajattar negizinen balalarǵa, sý tasqynynan zardap shekkenderge jáne Palestına halqyna kómek kórsetý úshin jınalǵan dep kórsetilgen.

Alaıda, tergeý barysynda bul qarajattardyń kóp bóligi onyń jeke qajettilikterine, sonyń ishinde sándi kıimder, áshekeıler, kólikter men jyljymaıtyn múlik satyp alýǵa jumsalǵany anyqtaldy.

Sonymen qatar, ol osy qarajattardy zańdastyrý úshin jalǵan kelisimsharttar jasap, jeke kásipkerlermen kelisimder jasaǵan.

Buǵan deıin qaıyrymdylyq qorynyń quryltaıshysy kúdikke ilingenin, Perızat Qaırat degen kim ekeni týraly, onyń taǵy bir zańsyz áreketi anyqtalǵanyn jazǵan bolatynbyz.