جاڭالىقتار
پەريزات قايرات قورىنىڭ سۋ تاسقىنىنا كەتكەن 1,4 ملرد تەڭگە شىعىنى قۇجاتپەن راستالماعان – پروكۋرور
فوتو: informburo.kz
پروكۋرور مادينا ورازالينا 2024 جىلعى سۋ تاسقىنى كەزىندە زارداپ شەككەندەرگە كومەك رەتىندە جينالعان قاراجاتتان 1,4 ميلليارد تەڭگە كولەمىندەگى شىعىندار قۇجاتپەن راستالماعانىن مالىمدەدى, دەپ جازدى qandastar.kz
بۇل تۋرالى Stan.kz اقپارات اگەنتتىگى حابارلايدى.
سوتتا پەريزات قايرات پەن ونىڭ اناسى عاني الاشباەۆاعا قاتىستى قىلمىستىق ءىستىڭ ءۇشىنشى ەپيزودى 2024 جىلعى سۋ تاسقىنى كەزىندە قازاقستاندىقتارعا كومەك رەتىندە قاراجات جيناۋ ماسەلەسى قارالدى.
پروكۋروردىڭ ايتۋىنشا, Biz Birgemiz Qazaqstan 2030 قورىنىڭ شوتتارىنداعى اقشا قوزعالىسى تالدانىپ, 2024 جىلعى 1 قاڭتار مەن 8 قازان ارالىعىندا جالپى 3,3 ميلليارد تەڭگە تۇسكەنى انىقتالعان. سونىڭ ىشىندە:
• سۋ تاسقىنىنان زارداپ شەككەندەرگە قايىرىمدىلىق جانە گۋمانيتارلىق كومەك رەتىندە – 3,2 ميلليارد تەڭگە;
• گازا سەكتورى مەن پالەستينا تۇرعىندارىنا گۋمانيتارلىق كومەك – 6,6 ميلليون تەڭگە;
• وزگە دە كومەكتەر – 10 ميلليون تەڭگە.
الايدا, پروكۋروردىڭ مالىمەتىنشە, سۋ تاسقىنىنا قارسى شارالارعا 2,9 ميلليارد تەڭگە جۇمسالعانىمەن, ونىڭ 737,7 ميلليون تەڭگەسى عانا بۋحگالتەرلىك قۇجاتتارمەن راستالعان.
“2,3 ميلليارد تەڭگە كولەمىندەگى شىعىنداردىڭ ىشىندە 141 ميلليون تەڭگە سوماسىندا اقشا پەريزات قايرات باسقاراتىن قوعامدىق بىرلەستىككە جاقىن, تۋىستىق بايلانىسى بار تۇلعالارعا اۋدارىلعان. اتاپ ايتقاندا, عايني الاشباەۆاعا 72 ميلليون تەڭگە, ول بۇل قارجىعا سقو-داعى سۋ تاسقىنىنان زارداپ شەككەندەرگە تۇرمىستىق تەحنيكا جەتكىزگەن. سونىمەن قاتار جەكە كاسىپكەرگە 146 دانا تۇرمىستىق تەحنيكا ءۇشىن 69 ميلليون تەڭگە تولەنگەن”, – دەدى پروكۋرور ورازالينا.
ونىڭ ايتۋىنشا, پەريزات قايرات قولما-قول اقشا رەتىندە 172,4 ميلليون تەڭگەنى شەشىپ العان.
“بانكتىك شوتتارداعى وپەراتسيالاردى, دەرەكتەر بازاسىن, ەلەكتروندى شوت-فاكتۋرالاردى تالداۋ نەگىزىندە اكتيۆتەردى شىعارۋ ماقساتىندا جۇرگىزىلگەن كۇدىكتى مامىلەلەر, اففيليرلەنگەن جانە باقىلاۋداعى كونتراگەنتتەرمەن ءوزارا ەسەپ ايىرىسۋلار انىقتالدى. ال 1,8 ميلليارد تەڭگە كولەمىندەگى شىعىندار باستاپقى بۋحگالتەرلىك قۇجاتتارمەن مۇلدەم راستالماعان”, – دەدى پروكۋرور.
ەسكە سالايىق, بۇعان دەيىن ەسكە سالايىق, بۇعان دەيىن استاناداعى پەريزات قايراتتىڭ سوتىندا «اسار-ۇمە» قورىنىڭ پرەزيدەنتى اسحات نۇرماشەۆ كۋالىك بەردى. ول قوردىڭ 2023 جىلى پالەستينا حالقىنا گۋمانيتارلىق كومەك رەتىندە پەريزات باسقاراتىن «BizBirgemiz Qazaqstan 2030» قورىنا 200 ميلليون تەڭگە اۋدارعانىن راستادى. اقشا گازاعا كومەك رەتىندە جىبەرىلگەنىمەن, ناقتى ەسەپ پەن قۇجاتتار ۇسىنىلماعان. پەريزات قايرات تاراپىنان تەك اۋىزشا ۋادەلەر بولعان. نۇرماشەۆ كەيىن بۇل مالىمەتتەردىڭ جالعان ەكەنىن تۇسىنگەنىن ايتتى.
