Jańalyqtar
Perızat Qaırat qorynyń sý tasqynyna ketken 1,4 mlrd teńge shyǵyny qujatpen rastalmaǵan – Prokýror
Foto: informburo.kz
Prokýror Madına Orazalına 2024 jylǵy sý tasqyny kezinde zardap shekkenderge kómek retinde jınalǵan qarajattan 1,4 mıllıard teńge kólemindegi shyǵyndar qujatpen rastalmaǵanyn málimdedi, dep jazdy qandastar.kz
Bul týraly Stan.kz aqparat agenttigi habarlaıdy.
Sotta Perızat Qaırat pen onyń anasy Ǵanı Alashbaevaǵa qatysty qylmystyq istiń úshinshi epızody 2024 jylǵy sý tasqyny kezinde qazaqstandyqtarǵa kómek retinde qarajat jınaý máselesi qaraldy.
Prokýrordyń aıtýynsha, Biz Birgemiz Qazaqstan 2030 qorynyń shottaryndaǵy aqsha qozǵalysy taldanyp, 2024 jylǵy 1 qańtar men 8 qazan aralyǵynda jalpy 3,3 mıllıard teńge túskeni anyqtalǵan. Sonyń ishinde:
• sý tasqynynan zardap shekkenderge qaıyrymdylyq jáne gýmanıtarlyq kómek retinde – 3,2 mıllıard teńge;
• Gaza sektory men Palestına turǵyndaryna gýmanıtarlyq kómek – 6,6 mıllıon teńge;
• ózge de kómekter – 10 mıllıon teńge.
Alaıda, prokýrordyń málimetinshe, sý tasqynyna qarsy sharalarǵa 2,9 mıllıard teńge jumsalǵanymen, onyń 737,7 mıllıon teńgesi ǵana býhgalterlik qujattarmen rastalǵan.
“2,3 mıllıard teńge kólemindegi shyǵyndardyń ishinde 141 mıllıon teńge somasynda aqsha Perızat Qaırat basqaratyn qoǵamdyq birlestikke jaqyn, týystyq baılanysy bar tulǵalarǵa aýdarylǵan. Atap aıtqanda, Ǵaını Alashbaevaǵa 72 mıllıon teńge, ol bul qarjyǵa SQO-daǵy sý tasqynynan zardap shekkenderge turmystyq tehnıka jetkizgen. Sonymen qatar jeke kásipkerge 146 dana turmystyq tehnıka úshin 69 mıllıon teńge tólengen”, – dedi prokýror Orazalına.
Onyń aıtýynsha, Perızat Qaırat qolma-qol aqsha retinde 172,4 mıllıon teńgeni sheship alǵan.
“Banktik shottardaǵy operaııalardy, derekter bazasyn, elektrondy shot-faktýralardy taldaý negizinde aktıvterdi shyǵarý maqsatynda júrgizilgen kúdikti mámileler, affılıırlengen jáne baqylaýdaǵy kontragenttermen ózara esep aıyrysýlar anyqtaldy. Al 1,8 mıllıard teńge kólemindegi shyǵyndar bastapqy býhgalterlik qujattarmen múldem rastalmaǵan”, – dedi prokýror.
Eske salaıyq, buǵan deıin Eske salaıyq, buǵan deıin Astanadaǵy Perızat Qaırattyń sotynda «Asar-Úme» qorynyń prezıdenti Ashat Nurmashev kýálik berdi. Ol qordyń 2023 jyly Palestına halqyna gýmanıtarlyq kómek retinde Perızat basqaratyn «BizBirgemiz Qazaqstan 2030» qoryna 200 mıllıon teńge aýdarǵanyn rastady. Aqsha Gazaǵa kómek retinde jiberilgenimen, naqty esep pen qujattar usynylmaǵan. Perızat Qaırat tarapynan tek aýyzsha ýádeler bolǵan. Nurmashev keıin bul málimetterdiń jalǵan ekenin túsingenin aıtty.
