Perızat Qaırat sotynda Dımash Qudaıbergenniń esimi ataldy

Foto: Stan.kz

Biz Birgemiz Qazaqstan 2030 qaıyrymdylyq qorynyń jetekshisi Perızat Qaırat sotynda Dımash Qudaıbergenniń de aty ataldy, dep jazdy qandastar.kz

Bul týraly Stan.kz aqparat agenttigi habarlaıdy.

Aıyptalýshy ánshini balalarǵa arnalǵan festıvalge shaqyrǵysy kelgen.

«Skıf Treıd» JShS-niń ókili Maksım Abdýrazakovtyń kýá bolý jaıtyna súıensek, aıyptalýshy ony erekshe qajettiligi bar balalardy qoldaýǵa arnalǵan festıvalge shaqyryp, qarjylaı kómek kórsetýdi usynǵan. Áńgime 10 mıllıon teńge jaıynda bolǵan jáne is-sharanyń hedlaıneri retinde Dımash Qudaıbergen bolatyny habarlanǵan, – dep oqydy prokýror Arman Kezeken.

Buǵan deıin Perızat Qaırat isinde tanymal ýkraınalyq ánshiniń aty atalǵan edi.

Usynylǵan aqparatqa sáıkes, Ivan Dornǵa Astanada bolmaǵan konert úshin 9 myń eýro (shamamen 5,5 mıllıon teńge) tólegen.

«Tintý kezinde bolmaǵan festıvalderge daıyndyq qujattary tárkilendi. Mysaly Ivan Dornnyń óner kórsetýi úshin 9 myń eýro kóleminde tólengen shot-faktýra bar. Bul «Astana» golf-klýbyndaǵy festıvalde bolýy kerek edi», – dedi prokýror Madına Orazalına.

Ártistiń aqysy tólengen, biraq ol óner kórsetpegen bolyp shyqty.