پەريزات قايرات تاسقىننان زارداپ شەككەندەرگە جينالعان 1,5 ميللياردتى «جەپ قويعان»

فوتو: Ulysmedia كوللاجى

قارجى مونيتورينگى اگەنتتىگى (AFM) ۆولونتەر, «Biz Birgemiz Qazaqstan» قايىرىمدىلىق قورىنىڭ قۇرىلتايشىسى پەريزات قايراتقا قاتىستى تەرگەۋ جۇرگىزىپ جاتىر, – دەپ حابارلايدى qandastar.kz

پەريزات قايرات كوكتەمگى سۋ تاسقىنىنان زارداپ شەككەن ازاماتتارعا كومەك رەتىندە جينالعان 1,5 ميلليارد تەڭگەدەن استام اقشانى ۇرلادى دەگەن كۇدىككە ءىلىندى.

اگەنتتىكتىڭ مالىمەتىنشە, قايىرىمدىلىقتىڭ نەگىزگى بولىگى ءساندى تاۋارلار مەن جىلجىمايتىن م ۇلىك ساتىپ الۋعا جۇمسالعان.

وسىلايشا, 2024 جىلدىڭ كوكتەمىندە كۇدىكتى استانالىق سالونداردان 88 ميلليون تەڭگەگە Mercedes-Benz S450, 80 ميلليون تەڭگەگە Lexus LX-600 جانە 39 ميلليون تەڭگەگە Haval كولىكتەرىن ساتىپ الدى.

وسى كەزەڭدە پەريزات قايرات «Akbulak Riviera», «Highvill Ishim Gold», «كوك جايلاۋ» تۇرعىن ءۇي كەشەندەرى, سونداي-اق Vela Village كوتتەدجدەر قالاشىعىنان 600 ميلليون تەڭگەگە ءساندى جىلجىمايتىن م ۇلىك العان.

سونىمەن قاتار جىلۋعا جينالعان قارجىنى جىلى ەلدەردە دەمالۋعا جۇمساعان.  كۇدىكتى بىرنەشە رەت دۋباي, دوحا, لوندون جانە ستامبۋل قالالارىنا دەمالۋعا بارىپ, بەس جۇلدىزدى قوناق ۇيلەرگە قارجى جۇمساعانى انىقتالدى. قىلمىستىق سحەمانى جۇزەگە اسىرۋ ماقساتىندا ول جاقىن دوستارى مەن تۋىستارىن تارتقانى دا رەسمي مالىمەتتە ايتىلادى.