Perızat Qaırat tasqynnan zardap shekkenderge jınalǵan 1,5 mıllıardty «jep qoıǵan»

Foto: Ulysmedia kollajy

Qarjy monıtorıngi agenttigi (AFM) volonter, «Biz Birgemiz Qazaqstan» qaıyrymdylyq qorynyń quryltaıshysy Perızat Qaıratqa qatysty tergeý júrgizip jatyr, – dep habarlaıdy qandastar.kz

Perızat Qaırat kóktemgi sý tasqynynan zardap shekken azamattarǵa kómek retinde jınalǵan 1,5 mıllıard teńgeden astam aqshany urlady degen kúdikke ilindi.

Agenttiktiń málimetinshe, qaıyrymdylyqtyń negizgi bóligi sándi taýarlar men jyljymaıtyn múlik satyp alýǵa jumsalǵan.

Osylaısha, 2024 jyldyń kókteminde kúdikti astanalyq salondardan 88 mıllıon teńgege Mercedes-Benz S450, 80 mıllıon teńgege Lexus LX-600 jáne 39 mıllıon teńgege Haval kólikterin satyp aldy.

Osy kezeńde Perızat Qaırat «Akbulak Riviera», «Highvill Ishim Gold», «Kók Jaılaý» turǵyn úı keshenderi, sondaı-aq Vela Village kottedjder qalashyǵynan 600 mıllıon teńgege sándi jyljymaıtyn múlik alǵan.

Sonymen qatar jylýǵa jınalǵan qarjyny jyly elderde demalýǵa jumsaǵan.  Kúdikti birneshe ret Dýbaı, Doha, London jáne Stambýl qalalaryna demalýǵa baryp, bes juldyzdy qonaq úılerge qarjy jumsaǵany anyqtaldy. Qylmystyq shemany júzege asyrý maqsatynda ol jaqyn dostary men týystaryn tartqany da resmı málimette aıtylady.