جاڭالىقتار
پەريزات قايراتقا تاعى ءبىر ايىپ تاعىلىپ وتىر
فوتو: كوللاج Ulysmedia.kz
قارجىلىق مونيتورينگ اگەنتتىگى قايىرىمدىلىققا جينالعان قارجىنى جىمقىردى دەپ ايىپتالعان پەريزات قايراتتىڭ ءىسىن تەرگەۋگە قاتىستى جاڭا دەرەكتەرمەن ءبولىستى, دەپ حابارلايدى qandastar.kz
قارجىلىق مونيتورينگ اگەنتتىگى توراعاسىنىڭ ورىنباسارى جەڭىس ەلەمەسوۆ پەريزات قايراتقا پالەستيناعا كومەككە, سۋ تاسقىنى كەزىندە جينالعان قاراجاتتى جىمقىرۋدان بولەك تاعى ءبىر دەرەك انىقتالعانىن مالىمدەدى.
«قاڭتاردا قوسىمشا ءبىر دەرەك تىركەلدى. ول مۇگەدەك بالالاردى وڭالتۋعا ارنالعان ورتالىق اشامىن دەپ اۋكتسيون ۇيىمداستىرىپ, 22 ميلليون تەڭگە قارجى جيناعان. بىراق قارجىنى ءوز قاجەتىنە جۇمساعان. بارلىق دەرەكتەر بويىنشا جىمقىرىلعان قارجىنى قوسا ەسەپتەدىك. بۇل قاراجاتتى, بۇعان دەيىن ايتقانىمىزداي, جەكە ءۇي, كولىكتەر مەن پاتەرلەر ساتىپ الۋعا جۇمساعان», – دەدى ول.
جەڭىس ەلەمەسوۆتىڭ ايتۋىنشا, پەريزات قايراتتىڭ ءىسىن تەرگەۋ اياقتالۋعا جاقىن. ناۋرىز ايىنىڭ باسىندا ىسپەن تانىسۋ باستالادى دەيدى. ال كۇدىكتىلەردىڭ قاتارىنا قوسىلعان پەريزات قايراتتىڭ اناسى قاماۋعا الىنباعان.
