Perızat Qaıratqa taǵy bir aıyp taǵylyp otyr

Foto: Kollaj Ulysmedia.kz

Qarjylyq monıtorıng agenttigi qaıyrymdylyqqa jınalǵan qarjyny jymqyrdy dep aıyptalǵan Perızat Qaırattyń isin tergeýge qatysty jańa derektermen bólisti, dep habarlaıdy qandastar.kz

Qarjylyq monıtorıng agenttigi tóraǵasynyń orynbasary Jeńis Elemesov Perızat Qaıratqa Palestınaǵa kómekke, sý tasqyny kezinde jınalǵan qarajatty jymqyrýdan bólek taǵy bir derek anyqtalǵanyn málimdedi.

«Qańtarda qosymsha bir derek tirkeldi. Ol múgedek balalardy ońaltýǵa arnalǵan ortalyq ashamyn dep aýkıon uıymdastyryp, 22 mıllıon teńge qarjy jınaǵan. Biraq qarjyny óz qajetine jumsaǵan. Barlyq derekter boıynsha jymqyrylǵan qarjyny qosa eseptedik. Bul qarajatty, buǵan deıin aıtqanymyzdaı, jeke úı, kólikter men páterler satyp alýǵa jumsaǵan», – dedi ol.

Jeńis Elemesovtiń aıtýynsha, Perızat Qaırattyń isin tergeý aıaqtalýǵa jaqyn. Naýryz aıynyń basynda ispen tanysý bastalady deıdi. Al kúdiktilerdiń qataryna qosylǵan Perızat Qaırattyń anasy qamaýǵa alynbaǵan.