پەريزات قايراتتىڭ «Biz Birgemiz» قايىرىمدىلىق قورى جابىلادى

فوتو:Ulysmedia

پەريزات قايرات باسقارعان «Biz birgemiz Qazaqstan 2030» قوعامدىق بىرلەستىگى جابىلادى. بۇل تۋرالى ادىلەت مينيسترلىگى حابارلادى, دەپ حابارلايدى qandastar.kz

Skifnews.kz جازعانداي  , «Biz Birgemiz Qazaqstan 2030» قوعامدىق بىرلەستىگى 2021 جىلدىڭ 11 قازانىندا استانا قالاسىنداعى ادىلەت دەپارتامەنتىندە تىركەلگەن.

«وسى جىلدىڭ 14 اقپانىندا استانا قالاسىنىڭ مامانداندىرىلعان اۋدانارالىق ەكونوميكالىق سوتىنا جوعارىدا اتالعان ۇيىمنىڭ مەملەكەتتىك تىركەۋىن جارامسىز دەپ تانىپ, ماجبۇرلەپ تاراتۋدى كوزدەيتىن تالاپ-ارىز بەرىلدى. سوت تالابىن بەرۋگە قارجىلىق مونيتورينگ اگەنتتىگىنىڭ «Biz Birgemiz Qazaqstan 2030» قوعامدىق بىرلەستىگىن تىركەۋدى جويۋ راسىمىنە باستاماشىلىق جاساۋ تۋرالى حاتى نەگىز بولدى. سەبەبى بىرلەستىك قۇرۋ كەزىندە جويىلمايتىن سيپاتتاعى, ياعني سوت شەشىمى بويىنشا زاڭدى تۇلعانى تاراتۋعا نەگىز بولاتىن زاڭنامانى بۇزۋشىلىقتارعا جول بەرىلگەن», — دەلىنگەن مينيسترلىك حابارلاماسىندا.