Perızat Qaırattyń «Biz Birgemiz» qaıyrymdylyq qory jabylady

Foto:Ulysmedia

Perızat Qaırat basqarǵan «Biz birgemiz Qazaqstan 2030» qoǵamdyq birlestigi jabylady. Bul týraly Ádilet mınıstrligi habarlady, dep habarlaıdy qandastar.kz

Skifnews.kz jazǵandaı  , «Biz Birgemiz Qazaqstan 2030» qoǵamdyq birlestigi 2021 jyldyń 11 qazanynda Astana qalasyndaǵy ádilet departamentinde tirkelgen.

«Osy jyldyń 14 aqpanynda Astana qalasynyń mamandandyrylǵan aýdanaralyq ekonomıkalyq sotyna joǵaryda atalǵan uıymnyń memlekettik tirkeýin jaramsyz dep tanyp, májbúrlep taratýdy kózdeıtin talap-aryz berildi. Sot talabyn berýge Qarjylyq monıtorıng agenttiginiń «Biz Birgemiz Qazaqstan 2030» qoǵamdyq birlestigin tirkeýdi joıý rásimine bastamashylyq jasaý týraly haty negiz boldy. Sebebi birlestik qurý kezinde joıylmaıtyn sıpattaǵy, ıaǵnı sot sheshimi boıynsha zańdy tulǵany taratýǵa negiz bolatyn zańnamany buzýshylyqtarǵa jol berilgen», — delingen mınıstrlik habarlamasynda.