پەريزات قايراتتىڭ ىسىندە Asarume قايىرىمدىلىق قورى جابىرلەنۋشى دەپ تانىلدى

فوتو: اشىق دەرەككوز

قايىرىمدىلىق قورىنان اقشا جىمقىردى دەپ ايىپتالعان پەريزات قايراتتىڭ ىسىندە Asarume قايىرىمدىلىق قورى جابىرلەنۋشى دەپ تانىلدى. بۇل تۋرالى qandastar.kz  Stan.kz اقپارات اگەنتتىگىنە سىلتەمە جاساپ حابارلايدى.

Biz Birgemiz Qazaqstan 2030 باسشىسى پەريزات قايراتتىڭ قارجى جىمقىرۋ ءىسى بويىنشا قوسىمشا دەرەك پايدا بولدى. Asarume قايىرىمدىلىق قورى جەلىدە مالىمدەمە جاساپ, ىستە جابىرلەنۋشى بولىپ تانىلعانىن جازدى.

ء“بىز سەنگىمىز كەلمەيتىن فاكتىلەر شىندىققا اينالىپ, بۇل جاعداي ەلدەگى قايىرىمدىلىق سالاسىنا ۇلكەن سوققى بولدى. بۇل وقيعا يگى ىستەرمەن اينالىساتىن ءار ادامعا اسەرىن تيگىزىپ, قايىرىمدىلىققا دەگەن سەنىمگە كۇمان ۇيالاتتى.

Biz Birgemiz Qazaqstan 2030 جاساعان الاياقتىق ارەكەتتەر ءبىزدىڭ قورىمىزعا دا اسەر ەتتى. تەرگەۋ ناتيجەسىندە «اسار ۇمە» رەسمي تۇردە جابىرلەنۋشى تاراپ دەپ تانىلدى”, – دەپ مالىمدەدى قور.

الايدا قور وكىلدەرى ءىستىڭ ءمان-جايىن تولىق جاريالاۋدان باس تارتتى.

ايتا كەتەيىك, بۇعان دەيىن پەريزات قايراتقا مۇگەدەك بالالارعا ارنالعان ورتالىق سالۋعا جينالعان 22 ميلليون تەڭگەنى جىمقىردى دەگەن ايىپ تاعىلعان ەدى.

ەسكە سالايىق, “Biz Birgemiz” قورىنىڭ باسشىسى پەريزات قايرات سۋ تاسقىنىنان زارداپ شەككەندەرگە جينالعان 1,5 ميلليارد تەڭگەنى جىمقىردى دەگەن كۇدىككە ىلىنگەن ەدى. 

قارجى مونيتورينگى اگەنتتىگىنىڭ مالىمەتىنشە, قايىرىمدىلىققا بولىنگەن قارجىنىڭ نەگىزگى بولىگى قىمبات ءسان بۇيىمدارى مەن جىلجىمايتىن م ۇلىكتى ساتىپ الۋ ماقساتىنا پايدالانىلعان. بيىل كوكتەمدە ول ەلورداداعى اۆتوسالوننان 88 ميلليون تەڭگەگە «Mercedes-Benz S450», 80 ميلليون تەڭگەگە «Lexus LX-600» جانە 39 ميلليون تەڭگەگە «Haval» اۆتوكولىكتەرىن ساتىپ العان.

وسىدان كەيىن Biz Birgemiz Qazaqstan 2030 ءماجبۇرلى تۇردە تاراتىلاتىنى بەلگىلى بولدى.