Perızat Qaırattyń isine blogerlerdiń qatysy bar ma?

Foto: jeke qorynan

Aqsha jymqyrdy degen kúdikke ilingen qaıyrymdylyq qorynyń basshysy Perızat Qaırattyń isine blogerlerdiń qatysy bar ma? Bul suraqqa Qarjy monıtorıngi agenttigi jaýap berdi, — dep habarlaıdy qandastar.kz  Massaget.kz tilshisine silteme jasap.

Buǵan deıin buqaralyq aqparat quraldary men áleýmettik jelilerde sý tasqyny kezinde jınalǵan qarajatty jymqyrý isine mıllıondaǵan oqyrmany bar blogerlerdiń de qatysy bar bolýy múmkin degen aqparat tarady. О́ıtkeni blogerler, tanymal adamdar vıdeolar túsirip, qazaqstandyqtardy Perızat Qaırat bastaǵan qorǵa óz úlesin qosýǵa shaqyrǵan edi.

QMA-nyń resmı jaýabynda eriktiler qozǵalysynyń belsendisi Perızat Qaıratqa qatysty is boıynsha sotaldy tergeý jalǵasyp jatqany aıtyldy.

«Qarjy monıtorıngi organdarynyń óndirisinde blogerler nemese sý tasqyny kezinde qarajat jınaǵan basqa uıymdastyrýshylarǵa qatysty sotaldy tergeýler joq», — dep naqtylady agenttik.

Aıta keteıik, Perızat Qaırat — Biz Birgemiz Qazaqstan qaıyrymdylyq qorynyń tóraıymy, Qazaqstandaǵy belsendi eriktiler qozǵalysynyń jetekshisi retinde tanymal. Ol sý tasqynynan zardap shekkenderge kómek kórsetý, Gaza sektoryndaǵy gýmanıtarlyq mıssııalar jáne basqa da qaıyrymdylyq sharalarymen aınalysyp, qoǵamda bedelge ıe boldy.

14 qarashada Qarjylyq monıtorıng agenttigi Perızat Qaırat 1,5 mıllıardty jymqyrdy degen kúdikke ilingenin habarlady.

Sonymen qatar ol 2023 jylǵy qarashada Palestına turǵyndaryna gýmanıtarlyq kómek kórsetý úshin qarajat jınap, onyń 200 mıllıonyn qaltasyna basqan degen kúdikke ilindi. QMA dereginshe, 2023 jylǵy jeltoqsanda osy aqsha esebinen Perızat Qaırat Sensata Plaza elıtalyq kesheninen 49 mıllıon teńgege úsh bólmeli páter jáne 30 mıllıon teńgege Mercedes-Benz EQE 500 4 Matic jańa kóligin satyp alǵan.

16 qarashada Astana qalasynyń tergeý soty Perızat Qaırat 2 aıǵa qamaýǵa alynǵanyn habarlady.