جاڭالىقتار
پەريزات قايراتتىڭ كەمبريدجدە وقىعانى راس پا?
فوتو: ينستاگرام
پەريزات قايراتتىڭ تەك اياقتالماعان ورتا ءبىلىمى بار ەكەنى جايلى دەرەك قازاقستاندىقتاردى تاڭعالدىردى, دەپ حابارلايدى qandastar.kz
سەبەبى ول الەۋمەتتىك جەلىدە ءوزىن كەمبريدج ۋنيۆەرسيتەتىنىڭ ستۋدەنتى رەتىندە تانىستىرىپ كەلگەن ەدى. بەلگىلى بولعانداي, پەريزات قايرات (بۇرىنعى تەگى — قاسەنعاليەۆا) اقتاۋدا 9 «ە» سىنىبىن بىتىرگەن. 2006 جىلى قاراتاەۆ اتىنداعى ماڭعىستاۋ وبلىستىق ونەر كوللەدجىنە «حور ديريجەرلىگى» ماماندىعىنا وقۋعا ءتۇسىپ, 2008 جىلى الماتىداعى ج. ەلەبەكوۆ اتىنداعى ەسترادا-تسيرك كوللەدجىنە اۋىسادى.
بىراق سول جىلدىڭ 24 قازانىندا ەكىنشى كۋرستان ءوز وتىنىشىمەن شىعىپ كەتكەن. كوللەدج وكىلدەرى ونىڭ ءتارتىپ بۇزباعانىن راستادى. سوت پروتسەسى كەزىندە پروكۋرور مادينا ورازالينا پەريزاتتىڭ ەسىمى «تۋران-استانا» ۋنيۆەرسيتەتىنەن تابىلعان قۇجاتتاردا دا كەزدەسەتىنىن ايتتى. الايدا ۋنيۆەرسيتەت رەسمي تۇردە:
«پەريزات قايرات ءبىزدىڭ وقۋ ورنىمىزدا ءبىلىم الماعان جانە ءبىزدىڭ ديپلومىمىزدى الماعان», — دەپ حابارلادى.
پەريزاتتىڭ Instagram پاراقشاسىندا 2015–2016 جىلدارى مالايزياداعى نوتتينگەم ۋنيۆەرسيتەتىنىڭ كامپۋسىنان تۇسىرىلگەن فوتولارى بار. ول بۇل ۋنيۆەرسيتەتتە وقىعانىن جازعان. راسىندا, 2016 جىلى ونىڭ اتىنا بەرىلگەن ستۋدەنتتىك رۇقسات قاعازى بولعان. بىراق بۇل وقۋ ورنىنا ءتۇسۋ ءۇشىن تولىق ورتا نەمەسە ارنايى ورتا ءبىلىم قاجەت ەدى.
