Perızat Qaırattyń qymbat múlki aýkıonda saýdalanbaq

Fotokollaj: Azattyq Rýhy/Ábilqasym Esentaev

Qarjy monıtorıngi agenttigi qaıyrymdylyqqa jınalǵan aqshany jymqyrdy dep aıyptalǵan Perızat Qaırattyń múlki men qymbat buıymdarymen sot oryndaýshylary aınalysatynyn málimdedi, dep habarlaıdy qandastar.kz

Halyqtyń jınaǵan aqshasyn jymqyryp, alaıaqtyq jasady dep aıyptalǵan Perızat Qaırattyń tárkilengen múlki aýkıonda satylymǵa shyǵarylmaq.

“Tárkilengen múlik aýkıonǵa qoıylyp, sol qarajatpen Perızat Qaırattyń isi boıynsha jábirlenýshilerdiń shyǵyn óteledi”, – delingen habarlamada.

Aıta keteıik, sot urlanǵan aqshaǵa satyp alynǵan múlikterdi tárkileýge úkim shyǵarǵan edi.

— Vela Village kottedjder qalashyǵyndaǵy turǵyn úı;

—  Akbulak Riviera, Sensata Plaza, Highvill Ishim Gold, «Kók Jaılaý» turǵyn úı keshenderindegi páterler, turaq ornymen qosa;

— premıým sanattaǵy avtomobılder: Mercedes-Benz S450 (2024 j.), Lexus LX 600 (2024 j.), Mercedes-Benz EQE 500 4Matic (2023 j.), Haval H6 GT (2024 j.);

— “Rebel Flowers” jaýapkershiligi shekteýli seriktestiginiń jarǵylyq kapıtalyndaǵy 100% úlesi;

— 97 mln teńgeden jáne 22 myń AQSh dollardan astam aqsha.