جاڭالىقتارقارجى جانە تولەمدەر
پەريزات قايراتتىڭ پسەۆدو-قايىرىمدىلىق سحەماسى قالاي جۇمىس ىستەگەن?
فوتو: اشىق دەرەككوز
پەريزات قايراتقا قاتىستى تاعى ءبىر قىلمىستىق ەپيزود انىقتالدى. قارجى مونيتورينگ اگەنتتىگىنىڭ مالىمەتىنشە, مۇگەدەك بالالارعا ارنالعان وڭالتۋ ورتالىعىن تۇرعىزۋعا جينالعان قاراجاتتى تالان-تاراجعا سالۋ كۇدىگى بويىنشا جاڭا تەرگەۋ باستالعان. بەلگىلى بولعانداي, پەريزات قايرات 2021 جىلدىڭ قاراشاسىندا اقمولا وبلىسىنداعى «باتىر» قوعامدىق بىرلەستىگىنە وڭالتۋ ورتالىعىن تۇرعىزۋ ءۇشىن قايىرىمدىلىق اۋكتسيونىن وتكىزگەن, دەپ جازدى qandastar.kz
كوپشىلىكتىڭ سەنىمىن ارتتىرۋ ماقساتىندا مۇمكىندىگى شەكتەۋلى بالالار مەن ولاردىڭ اتا-اناسىن دا ءىس-شاراعا شاقىرعان.
قايرات جاريالاعان جالعان مالىمەتكە سايكەس, اۋكتسيوننان 48 ميلليون تەڭگە جينالىپ, 100 ميلليون تەڭگەلىك عيمارات سىيعا تارتىلعانداي بولىپتى. الايدا تەرگەۋ نۇسقاسى بويىنشا شىن مانىندە 22 ميلليون تەڭگە عانا جينالعان, جانە سول قاراجاتتى كۇدىكتى ءوز قاجەتىنە جۇمساپ جىبەرگەن. بۇدان بولەك, قايرات «باتىر» قوعامدىق بىرلەستىگىنە 30 ميلليون تەڭگەلىك جەر تەلىمىن الىپ بەردىم دەپ مالىمدەگەنىمەن, بۇل ۋچاستوكتى بىرلەستىك 2019 جىلى-اق ءوز بەتىمەن ساتىپ العانى انىقتالدى. وڭالتۋ ورتالىعىنىڭ قۇرىلىسى سول كۇيى باستالماعان, «ورتالىققا بەرىلدى» دەگەن عيمارات تا جوق بولىپ شىقتى. ەسكە سالا كەتسەك, بۇعان دەيىن پەريزات قايراتقا كوكتەمگى تاسقىننان زارداپ شەككەن ازاماتتارعا كومەكتەسۋ ءۇشىن جينالعان 1,5 ميلليارد تەڭگەنى جىمقىردى دەگەن ايىپ تاعىلعان. الدىن الا دەرەك بويىنشا قايىرىمدىلىقتان تۇسكەن اقشا زاڭسىز سحەمالار ارقىلى كۇدىكتىنىڭ جەكە مۇددەسىنە باعىتتالعان.
