پەريزات قايراتتىڭ سوتى باستالدى

استانادا قوعام بەلسەندىسى, قوعامدىق قايىرىمدىلىق قورىنىڭ قۇرىلتايشىسى بولعان پەريزات قايرات پەن ونىڭ اناسى عايني الاشباەۆاعا قاتىستى سوت ءىسى بويىنشا الدىن الا تىڭداۋ باستالدى, دەپ حابارلايدى Qandastar.kz. سايتى «24KZ» تەلەارناسىنا سىلتەمە جاساپ.

ولار الاياقتىق جانە قىلمىستىق جولمەن الىنعان اقشا مەن م ۇلىكتى زاڭداستىرۋ باپتارى بويىنشا ايىپتالۋدا.

سوت تىڭداۋىنىڭ العاشقى مينۋتتارىندا-اق كۇدىكتىلەر باق وكىلدەرىنىڭ قاتىسۋىنا قارسى ەكەنىن ايتىپ, سوت وتىرىسىن فوتو جانە ۆيدەوعا تۇسىرۋگە تىيىم سالۋدى تالاپ ەتتى.

ەسكە سالساق, 2023 جىلدىڭ قاراشاسىندا پەريزات قايرات سۋ تاسقىنىنان زارداپ شەككەندەرگە ارنالعان قايىرىمدىلىق قارجىسىن جىمقىردى دەگەن كۇدىكپەن ۇستالعان بولاتىن. تەرگەۋ دەرەكتەرىنە سۇيەنسەك, جينالعان 1,5 ميلليارد تەڭگەدەن استام قارجىنىڭ ءبىر بولىگى ەليتالىق جىلجىمايتىن م ۇلىك, كولىكتەر ساتىپ الۋعا جانە شەتەلدىك ساياحاتتارعا جۇمسالعان.

كەيىننەن پەريزات قايراتقا پالەستينا حالقىنا ارنالعان گۋمانيتارلىق كومەكتەن جينالعان قاراجاتتى يەمدەندى دەگەن قوسىمشا ايىپ تاعى تاعىلدى.

قازىرگى ۋاقىتتا ءىس بويىنشا تەرگەۋ جالعاسۋدا.