Perızat Qaırattyń soty bastaldy

Astanada qoǵam belsendisi, qoǵamdyq qaıyrymdylyq qorynyń quryltaıshysy bolǵan Perızat Qaırat pen onyń anasy Ǵaını Alashbaevaǵa qatysty sot isi boıynsha aldyn ala tyńdaý bastaldy, dep habarlaıdy Qandastar.kz. saıty «24KZ» telearnasyna silteme jasap.

Olar alaıaqtyq jáne qylmystyq jolmen alynǵan aqsha men múlikti zańdastyrý baptary boıynsha aıyptalýda.

Sot tyńdaýynyń alǵashqy mınýttarynda-aq kúdiktiler BAQ ókilderiniń qatysýyna qarsy ekenin aıtyp, sot otyrysyn foto jáne vıdeoǵa túsirýge tyıym salýdy talap etti.

Eske salsaq, 2023 jyldyń qarashasynda Perızat Qaırat sý tasqynynan zardap shekkenderge arnalǵan qaıyrymdylyq qarjysyn jymqyrdy degen kúdikpen ustalǵan bolatyn. Tergeý derekterine súıensek, jınalǵan 1,5 mıllıard teńgeden astam qarjynyń bir bóligi elıtalyq jyljymaıtyn múlik, kólikter satyp alýǵa jáne sheteldik saıahattarǵa jumsalǵan.

Keıinnen Perızat Qaıratqa Palestına halqyna arnalǵan gýmanıtarlyq kómekten jınalǵan qarajatty ıemdendi degen qosymsha aıyp taǵy taǵyldy.

Qazirgi ýaqytta is boıynsha tergeý jalǵasýda.