پەرۋاشەۆتىڭ قاتىسى بار: ۇقك ۇلتتىق ۇلان باس قولباسشىسىنىڭ ورىنباسارىن ۇستادى

فوتو: اشىق دەرەككوز

ۇقك ۇلتتىق ۇلان باس قولباسشىسىنىڭ تەحنيكا جانە قارۋ-جاراق جونىندەگى ورىنباسارى, گەنەرال-مايور كونستانتين ۆورونكيندى 2023 جىلى پارا الدى دەگەن كۇدىكپەن ۇستادى, – دەپ حابارلايدى qandastar.kz

ۇقك مالىمەتىنشە, گەنەرال-مايور جەڭىل اۆتوكولىكتەر مەن جەڭىل كولىكتەردىڭ كوتەرمە ساۋداسىمەن اينالىساتىن “پاراللەل-تس” جشس-ءنىڭ قۇرىلتايشىسى دميتري ۆاسيلەۆتەن جانە وسى جشس ديرەكتورى ماكسيم ۆاسيلەۆتەن پارا العان. ول ۇلتتىق ۇلاننىڭ مۇددەلەرىنە نۇقسان كەلتىرە وتىرىپ, ولارعا “قامقورلىق” جاساعان.

تەگىنە قاراعاندا, ۇستالعان ۆاسيلەۆتەر – اعايىندى. سونىمەن قاتار دميتري ازات پەرۋاشەۆتىڭ, ناقتى ايتقاندا “اق جول” پارتياسى توراعاسىنىڭ ورىنباسارى بولىپ شىقتى.

“مەن بۇل تۋرالى بەس مينۋت بۇرىن ءبىلدىم, الدىمەن زاڭگەرلەرمەن سويلەسەيىن», – دەپ جاۋاپ قاتتى وقيعاعا قاتىستى پەرۋاشەۆ.