Perýashevtiń qatysy bar: UQK Ulttyq ulan bas qolbasshysynyń orynbasaryn ustady

Foto: ashyq derekkóz

UQK Ulttyq ulan bas qolbasshysynyń tehnıka jáne qarý-jaraq jónindegi orynbasary, general-maıor Konstantın VORONKINdi 2023 jyly para aldy degen kúdikpen ustady, – dep habarlaıdy qandastar.kz

UQK málimetinshe, general-maıor jeńil avtokólikter men jeńil kólikterdiń kóterme saýdasymen aınalysatyn “Parallel-TS” JShS-niń quryltaıshysy Dmıtrıı VASILEVTEN jáne osy JShS dırektory Maksım VASILEVTEN para alǵan. Ol Ulttyq ulannyń múddelerine nuqsan keltire otyryp, olarǵa “qamqorlyq” jasaǵan.

Tegine qaraǵanda, ustalǵan Vasılevter – aǵaıyndy. Sonymen qatar Dmıtrıı Azat Perýashevtiń, naqty aıtqanda “Aq jol” partııasy tóraǵasynyń orynbasary bolyp shyqty.

“Men bul týraly bes mınýt buryn bildim, aldymen zańgerlermen sóıleseıin», – dep jaýap qatty oqıǵaǵa qatysty Perýashev.