Perzenthanada er adam áıeli qyz týǵany úshin dárigerdi aıaýsyz uryp tastady

Qazaqstandaǵy bir perzenthanada aqylǵa syımaıtyn jaǵdaı boldy. Áıeli qyz bala tapqanyn estigen er adam ashýǵa minip, dárigerdi soqqyǵa jyqqan, dep habarlaıdy Qandastar.kz

Kýágerlerdiń aıtýynsha, er adam «ul bolady» dep úmittengen. Biraq jary qyz bosanǵanyn bilgen sátte dárigerge qol kótergen. Oqıǵa ornynda bolǵandar muny baryp turǵan nadandyq dep baǵalap otyr.

Áleýmettik jelilerde taraǵan beınejazba qoǵamdy dúr silkindirdi. Jeli qoldanýshylary «qyz bolsa adam emes pe», «dárigerdiń kinási joq», «bul jabaıylyqty toqtatý kerek» dep ashý-yzaǵa toly pikirler qaldyrýda.

Mamandar mundaı áreket qylmystyq jaýapkershilikke ákelýi múmkin ekenin eskertti. Qazirgi tańda quqyq qorǵaý organdary isti tekserip jatyr.

Bul jaǵdaı qoǵamdaǵy eń aýyr taqyryptardyń birin – qyz balaǵa degen kózqaras pen turmystyq zorlyq-zombylyqty qaıta kóterdi.