Peshtiń qaraýsyz qalýy: Qostanaı oblysynda 5 bala qaza tapty

Foto: Ashyq derekkóz

Qostanaı oblysy Jitiqara qalasynda tańǵy 5-ter shamasynda jeke turǵyn úıden órt shyqty, dep habarlady Qandastar.kz. Qutqarýshylar shaqyrtý alǵannan keıin órt bolǵan jerge 7 mınýtta kelgen. Alaıda órt sóndirýshilerdiń málimetinshe, úı tolyǵymen otqa oranǵan. Sonymen qatar shatyry opyrylǵan.

Oqıǵa ornynda úlkenderdiń qaraýynsyz kámelet jasyna tolmaǵan 2011, 2016, 2018, 2019, 2022, 2023 jyldary týǵan alty bala bolǵan. О́kinishke oraı, úıindilerdi tazartý barysynda bes balanyń denesi tabyldy. 2011 týǵan úlken bala ǵana din aman, zardap shekpegen.

«Aldyn ala málimet boıynsha, balalardyń anasy keshkisin tanysyna ketken, al ákeleri túrmede. Qazir oqıǵanyń sebepteri anyqtalýda. О́rt-tehnıkalyq zertteý jumystary júrgizilmek. Al apattar medıına ortalyǵynyń psıhologtary týystaryna qajetti psıohologııalyq kómek kólsetip jatyr», – delingen jergilikti ákimshilik habarlamasynda.

Qostanaı oblysynyń ákimdigi otbasy men jaqyndaryna kóńil aıta otyryp, barlyq qajetti kómekti, sonyń ishinde materıaldyq kómek kórsetýge ýáde etti.

Sotqa deıingi tergep-tekserý jumystary bastaldy, órttiń aldyn ala sebebi – peshtiń qaraýsyz qalýy. Oqıǵa ornynda oblys prokýrorynyń birinshi orynbasary B.Bekbosynov bar. Qylmystyq isti tergeýdiń barysy Bas prokýrordyń baqylaýyna alyndy.