پەتيتسيا جاريالانباق: تۇلەكتەر گرانتتىڭ سۋ تاسقىنىنان زارداپ شەككەن ايماقتاردىڭ وقۋشىلارىنا بەرىلگەنىنە نارازى

فوتو: ۆيدەودان سكرينشوت

جەلىدە مەكتەپ ءبىتىرۋشى تۇلەك گرانتتىڭ باسىم كوپشىلىگى سۋ تاسقىنىنان زارداپ شەككەن ايماقتاردىڭ وقۋشىلارىنا ۇلەستىرگەنىن ايتىپ, جىلادى, دەپ حابارلايدى qandastar.kz.

نارازى اتا-انالار مەن تالاپكەرلەر پەتيتسيا جاريالاۋعا دايىن.

“ گرانتتىڭ 20%-ى سۋ تاسقىنىنان زارداپ شەككەن ايماقتىڭ تۇلەكتەرىنە ءبولىندى.

مينيسترلىكتەن گرانتتى ءبولۋ قاعيداسىن قايتا قاراۋدى سۇرايمىز. توتەنشە جاعدايدا قالعان ايماقتىڭ تۇلەكتەرىنە بولەك گرانت ءبولىنسىن”, – دەلىنگەن ەندى جاريالاناتىن پەتيتسيا ماتىنىندە.

تۇلەكتەر تۋريزم ماماندىعىنا 97 باللمەن تۇسپەدىك, بىراق كەيبىرەۋلەر 52 باللمەن وپ-وڭاي ءوتىپ كەتتى دەپ نالىپ وتىر.

“105 باللمەن ەشقانداي ماماندىققا گرانتقا ىلىكپەدىم, ال مەن قالاعان ماماندىققا جۇرتتار 70-80 باللمەن ءوتىپ كەتىپتى, بۇل ورىنسىز”, “112 باللمەن گرانتقا تۇسپەدىم, ال مەنىڭ ماماندىعىما كوبى 60-70 باللمەن ءوتىپتى”,سەبەبى كوپ ايماقتى سۋ باستى” – دەپ جازدى ولار.

ايتا كەتەيىك, جاقىندا قازاقستانداعى ءبىلىم گرانتى يەگەرلەرىنىڭ ءتىزىمى شىققان ەدى. بۇل رەتتە بۇرىنعى ءبىلىم ءمينيسترى اسحات ايماعامبەتوۆ گرانتقا تۇسپەي قالعان تۇلەكتەرگە كەڭەس بەرىپ, كۇرسىنبەۋگە شاقىردى.