Petropavlda kásipkerdiń otbasy aıýandyqpen óltirilgen

Foto: ashyq derekkóz

Soltústik Qazaqstan oblysynyń prokýratýrasy kásipkerler otbasyn aıýandyqpen óltirý isine qatysty pikir bildirdi, – dep jazady qandastar.kz

2023 jylǵy jeltoqsannyń aıaǵynda Petropavldyń Jumysshylar aýylynda jerleý kompanııasynyń ıeleri Prıhodchenkolar otbasy qatygezdikpen óltirildi. Odan keıin kisi óltirdi degen kúdikpen eki er adam ustaldy. Kóp uzamaı polıeıler jerleý rásimin jasaıtyn iri kompanııa dırektorynyń orynbasaryn ustady.

Bıylǵy jyldyń 28 qazanynda sot bir aıyptalýshyny ómir boıyna bas bostandyǵynan aıyrý, is boıynsha ekinshi aıyptalýshyny 21 jyl 8 aıǵa bas bostandyǵynan aıyrý týraly úkim shyǵardy. Sottalýshy áıel úsh jylǵa bas bostandyǵynan aıyryldy. Sot onyń áreketinen ózine belgili asa aýyr qylmys týraly habarlamaýdy ǵana kórip, al arandatýshylyqqa kináli ekenin dáleldemegen.

«Soltústik Qazaqstan oblysynyń prokýratýrasy Prıhodchenko otbasyn óltirý deregi boıynsha kóptegen jarııalanym men túsiniktemege súıene otyryp, kináli E-ni ómir boıyna bas bostandyǵynan aıyrýǵa, O-ny 21 jyl 8 aı merzimge bas bostandyǵynan aıyrýǵa, S-ny 3 jylǵa bas bostandyǵynan aıyrýǵa sottalǵanyn habarlaıdy. O. jáne S-ǵa qatysty jazanyń jeńil bolýyna baılanysty oblystyq prokýratýra bul úkimmen kelispedi. Osyǵan baılanysty 2024 jylǵy 12 qarashada oblystyq sotqa apellıaııalyq shaǵym engizildi», – delingen habarlamada.