جاڭالىقتار
پەتروپاۆلدا سوتتىڭ توراعاسى ۇستالدى
فوتو: اشىق دەرەككوز
پەتروپاۆلدا سولتۇستىك قازاقستان وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ توراعاسى ۇستالدى, دەپ جازدى qandastar.kz
قازاقستان جوعارعى سوتىنىڭ ءباسپاسوز قىزمەتى لاۋازىمدى تۇلعانىڭ ۇستالعانى تۋرالى اقپاراتتى راستادى.
«بۇگىن, 2024 جىلعى 19 جەلتوقساندا ۇلتتىق قاۋىپسىزدىك كوميتەتى مەن قر سوت اكىمشىلىگىنىڭ پەتروپاۆل قالاسى بويىنشا ىشكى قاۋىپسىزدىك ءبولىمىنىڭ بىرلەسكەن ءىس-شاراسىنىڭ ناتيجەسىندە سولتۇستىك قازاقستان وبلىسىنىڭ مامانداندىرىلعان اۋدانارالىق ەكونوميكالىق سوتىنىڭ توراعاسى ب., سوتتىڭ مۇددەلى تۇلعانىڭ پايداسىنا وڭ شەشىمى ءۇشىن 15 مىڭ اقش دوللارى سوماسىندا ءىرى كولەمدە پارا الۋ كەزىندە قىلمىس ۇستىندە ۇستالدى», – دەلىنگەن جوعارعى سوتتىڭ حابارلاماسىندا.
تەرگەۋ ورگاندارىنىڭ مالىمەتىنشە, سوت قاماۋدا ۇستاۋعا سانكتسيا بەردى, كۇدىكتى ۋاقىتشا ۇستاۋ يزولياتورىنا ورنالاستىرىلدى.
