Petropavlda sottyń tóraǵasy ustaldy

Foto: ashyq derekkóz

Petropavlda Soltústik Qazaqstan oblysynyń mamandandyrylǵan aýdanaralyq ekonomıkalyq sotynyń tóraǵasy ustaldy, dep jazdy qandastar.kz

Qazaqstan Joǵarǵy sotynyń baspasóz qyzmeti laýazymdy tulǵanyń ustalǵany týraly aqparatty rastady.

«Búgin, 2024 jylǵy 19 jeltoqsanda Ulttyq qaýipsizdik komıteti men QR Sot ákimshiliginiń Petropavl qalasy boıynsha Ishki qaýipsizdik bóliminiń birlesken is-sharasynyń nátıjesinde Soltústik Qazaqstan oblysynyń mamandandyrylǵan aýdanaralyq ekonomıkalyq sotynyń tóraǵasy B., sottyń múddeli tulǵanyń paıdasyna oń sheshimi úshin 15 myń AQSh dollary somasynda iri kólemde para alý kezinde qylmys ústinde ustaldy», – delingen Joǵarǵy sottyń habarlamasynda.

Tergeý organdarynyń málimetinshe, sot qamaýda ustaýǵa sankııa berdi, kúdikti ýaqytsha ustaý ızolıatoryna ornalastyryldy.