Petropavldaǵy qoqys polıgonynda oq-dári jarylyp, 23 jastaǵy jigit jaraqat aldy

Petropavlda qoqys polıgonynan taýyp alǵan oq-dári jarylyp, 23 jastaǵy jigittiń beti jaralandy. Keıbir málimet boıynsha, Tájikstannan kelgen gastarbaıterdiń oń jaq samaıy men qabaǵy zaqymdanǵan, dep habarlaıdy Qandastar.kz saıty turkystan.kz-ke silteme jasap.

KTK arnasynyń málimetinshe, Oqıǵa túski tórt shamasynda bolǵan. Eki er azamat turmystyq qaldyqtardy tógetin polıgonda júrip, oqdári taýyp alǵan. Teksermek bolǵanda ol jarylyp, jigittiń beti qanjosa bolǵan.

Qazir polıııa qyzmetkerleri osy jaıtqa qatysty tergep-tekserý júrgizip, istiń mán-jaıyn anyqtap jatyr. Belgili bolǵany, oqıǵa ornynda eshqandaı atys qarýy qoldanylmaǵan. Al jaraqat alǵan jigittiń jaǵdaıy qazir jaqsardy deıdi dárigerler.

«Jaraqat adam ómirine qaýip tóndirmeıdi. Tek teri jáne teriasty maı qabaty zaqymdanǵan. Kózine, bas súıegine esh zaqym kelmegen. Naýqasqa bizdiń bólimshede alǵashqy kómek kórsetilip, qanyn toqtatyp, úıinde emdelýge jiberdik», – dedi Petropavl jedel járdem aýrýhanasynyń hırýrgi Baǵdat Shaǵdarov.