جاڭالىقتار
«پىكىرىمدى ەشكىم سۇراعان جوق»: چەرچەسوۆ وتستاۆكا تۋرالى ايتتى
فوتو: off.kz
فەدەراتسيا باسشىلىعىمەن ۇنەمى بايلانىستا بولامىز.
فۋتبولدان قازاقستان قۇراماسىنىڭ باس باپكەرى ستانيسلاۆ چەرچەسوۆ قفف-نىڭ جاڭا پرەزيدەنتى مارات وماروۆپەن كەزدەسكەنىن ايتتى, دەپ حابارلايدى qandastar.kz
«بۇگىن مارات تالعات ۇلىمەن العاشقى كەزدەسۋىمىز بولدى. كەزدەسۋ ەكى ساعاتقا سوزىلىپ, وتە جاقسى بولدى. تانىستىق, ءوزارا ارەكەت ەتۋدىڭ جولدارىن تالقىلادىق. 2024 جىلعى قازاقستان قۇراماسىنىڭ ناتيجەلەرىن تالقىلادىق. 2025 جىلعا جوسپارىمىزدى تولىققاندى باياندادىق. قارسىلاستارىمىزدىڭ ەرەكشەلىكتەرىن تالقىلادىق. ەندى ماتچتاردى قايتا استانادا قابىلدايتىنىمىز تۋرالى سويلەستىك. ازىرگە ماسكەۋگە ورالامىن, ويتكەنى قاڭتاردا دەمالىس. بىراق فەدەراتسيا باسشىلىعىمەن بايلانىسىمىز ءۇزىلىپ قالمايدى, ۇنەمى بايلانىستامىز», – دەدى چەرچەسوۆ رەسەيلىك «سپورت ەكسپرەسس» باسىلىمىنا بەرگەن سۇحباتىندا.
چەرچەسوۆ سۇحباتىندا ءتىپتى, وتستاۆكا تۋرالى سۇراققا جاۋاپ بەردى.
«وتستاۆكا تۋرالى باق-تا ايتىلدى, بىراق مەنىڭ پىكىرىمدى ەشكىم سۇراعان جوق. بۇل ماسەلە كەزدەسۋ بارىسىندا مۇلدە تالقىلانعان جوق», – دەدى ول.
