Pinduoduo Qazaqstanǵa taýar jetkizýdi toqtatty

Foto: 1688-master.com

«Qazposhta» qyzmeti Pinduoduo jelisiniń taýarlardy Qazaqstanǵa ýaqytsha jetkizbeıtinin málimdedi, dep habarlaıdy Qandastar.kz inbusiness.kz saıtyna silteme jasap.

«Pinduoduo barlyq resmı onlaın tasymaldaýshylardy 19 qazannan bastap tehnıkalyq jetildirýlerge baılanysty jumysyn ýaqytsha toqtatty. О́kinishke qaraı, jumysty qalpyna keltirýdiń naqty merzimderin ataı almaımyz», – delingen habarlamada.

Pinduoduo nemese PDD – eń úlken marketpleısterdiń biri. Onda azyq-túlik, turmystyq tehnıka jáne taǵy basqa taýardy tutynýshylarǵa arzan baǵaǵa satady. Tikeleı óndirýshilerden satyp alý múmkindigi bar. Ol 2015 jyly qurylǵan. Shtab-páteri Shanhaıda ornalasqan.