جاڭالىقتار
پويىزدا ءسابيىن ولتىرگەن ايەل تۇرمەدە وتىرمايتىن بولدى
istockphoto
پويىزدا بوسانىپ, ءسابيىن سانيتارلىق شۇڭقىرعا تاستاعان ايەل ءماجبۇرلى ەمدەلۋگە جىبەرىلدى, دەپ حابارلايدى qandastar.kz
باس كولىك پروكۋراتۋرانىڭ مالىمەتىنشە, ءسابيدىڭ ولىمىنە اناسىنىڭ پسيحيكالىق اۋرۋى سەبەپ بولعان.
«قاراعاندى كولىك پروكۋراتۋراسى «قاراعاندى-سۇرىپتاۋ–سارىبەل» ارالىعىندا جولاۋشىلار پويىزىندا بولعان قايعىلى وقيعا بويىنشا سوت تەرگەۋىن اياقتادى», — دەپ جازىلعان حابارلامادا.
turkystan.kz حابارلاعانداي, وقيعا 2025 جىلدىڭ 20 ساۋىرىندە بولدى. پويىز جولاۋشىلارىنىڭ ءبىرى تولعاعى كەلىپ, ۆاگوننىڭ سانيتارلىق بولمەسىندە بوسانىپ قالعان.
تەرگەۋ بارىسىندا انىقتالعانداي, پسيحيكالىق اۋرۋمەن ەسەپتە تۇرعان ايەل دەرتىنىڭ اسقىنۋ كەزەڭىندە جاڭا تۋعان نارەستەنى سانيتارلىق شۇڭقىرعا تاستاپ جىبەرگەن. ءسابي تەمىر جول رەلسىنە قۇلاپ, العان جاراقاتىنان شەتىنەپ كەتكەن.
«قاراعاندى وبلىسىنىڭ وساكاروۆ اۋداندىق سوتى قىلمىس جاسالعان ساتتە ايەلدىڭ ەسى دۇرىس بولماعان دەگەن قورىتىندىعا كەلىپ, ونى ارنايى مەديتسينالىق مەكەمەدە ماجبۇرلەپ ەمدەۋ تۋرالى قاۋلى شىعاردى», — دەپ جازىلعان حابارلامادا.
سوت اكتىسى زاڭدى كۇشىنە ەنگەن جوق.
