Jańalyqtar
Poıyzda sábıin óltirgen áıel túrmede otyrmaıtyn boldy
istockphoto
Poıyzda bosanyp, sábıin sanıtarlyq shuńqyrǵa tastaǵan áıel májbúrli emdelýge jiberildi, dep habarlaıdy qandastar.kz
Bas kólik prokýratýranyń málimetinshe, sábıdiń ólimine anasynyń psıhıkalyq aýrýy sebep bolǵan.
«Qaraǵandy kólik prokýratýrasy «Qaraǵandy-Suryptaý–Sarybel» aralyǵynda jolaýshylar poıyzynda bolǵan qaıǵyly oqıǵa boıynsha sot tergeýin aıaqtady», — dep jazylǵan habarlamada.
turkystan.kz habarlaǵandaı, oqıǵa 2025 jyldyń 20 sáýirinde boldy. Poıyz jolaýshylarynyń biri tolǵaǵy kelip, vagonnyń sanıtarlyq bólmesinde bosanyp qalǵan.
Tergeý barysynda anyqtalǵandaı, psıhıkalyq aýrýmen esepte turǵan áıel dertiniń asqyný kezeńinde jańa týǵan náresteni sanıtarlyq shuńqyrǵa tastap jibergen. Sábı temir jol relsine qulap, alǵan jaraqatynan shetinep ketken.
«Qaraǵandy oblysynyń Osakarov aýdandyq soty qylmys jasalǵan sátte áıeldiń esi durys bolmaǵan degen qorytyndyǵa kelip, ony arnaıy medıınalyq mekemede májbúrlep emdeý týraly qaýly shyǵardy», — dep jazylǵan habarlamada.
Sot aktisi zańdy kúshine engen joq.
