«Polıeıler shara qoldanbaǵan»: Túrkistan oblysynda bútin bir otbasyny kórshileri aıaýsyz uryp ketken

Túrkistan oblysy Saıram aýdanynyń turǵyny otbasyn segiz adam jabylyp uryp ketkenin málimdedi. Aıtýynsha, álgi adamdardy kórshisi bastap kelgen, dep habarlaıdy Qandastar.kz

Telegram-daǵy Egov.Press arnasynyń jazýynsha, segiz shaqty adam bótenniń úıine basyp kirip, búkil otbasyn soqqyǵa jyqqan. Olardy aýyl turǵyndary arashalap alǵan. Arnada bir jábirlenýshiniń vıdeoúndeýi jarııalandy, vıdeoúndeýde ózi, anasy, ákesi jáne dosy da zardap shekkenin aıtady.

Onyń aıtýynsha, shabýyldaýshylar olardy bir saǵat boıy uryp-soqqan, zardap shekkender kóptegen jaraqat alǵan (mıy shaıqalǵan, basıa jarylǵan, qoly synǵan). Ata-anasy, ózi jáne dosy jergilikti aýrýhanaǵa barǵan kezde, jábirlenýshiniń málimdeýinshe, olarǵa tıisti medıınalyq kómek kórsetilmegen, óıtkeni sol medıınalyq mekemede olarǵa shabýyl jasaǵan kórshisiniń qaryndasy jumys isteıtin bolyp shyqqan. Sondyqtan olar qaladaǵy aýrýhanada emdelýge májbúr bolǵan.

Zardap shekken turǵyn jergilikti polıııaǵa aryz jazǵanyn, biraq polıeıler shabýyl jasaǵandarǵa shara qoldanǵysy kelmeı otyrǵanyn alǵa tartty. Al kúdiktiler qoqan-loqy kórsetýin toqtatpaǵan.

Oblystyq polıııa departamenti densaýlyqqa zııan keltirý faktisi boıynsha qylmystyq is qozǵalǵanyn habarlady.

«Oqıǵaǵa qatysýshylardyń barlyǵy polıııaǵa jetkizilip, jaýap alyndy. Kórshiler arasyndaǵy kıkiljińge turmystyq jaǵdaı sebep bolǵan. Qazirgi ýaqytta taraptardyń ýájderi zerdelenip, barlyq mán-jaıdy anyqtaýǵa qajet sharalar qabyldanýda. Tergeý qorytyndysy boıynsha olardyń is-áreketine zańdy baǵa berilip, is materıaldary sotqa joldanady», – delingen polıııa habarlamasynda.