جاڭالىقتار
پوليتسيا استانادا ورىنسىز پرانك جاساعان جىگىتتىڭ ۆيدەوسىن كورسەتتى
ەر ادام 10 تاۋلىككە قاماۋعا الىندى, دەپ حابارلايدى Qandastar.kz
الەۋمەتتىك جەلىلەردى باقىلاۋ بارىسىندا پوليتسيا قىزمەتكەرلەرى ەر ادامنىڭ قورقىنىشتى كوستيۋم كيىپ, ليفت ىستەن شىققانداي ەتىپ كورسەتىپ, قىزدى ادەيى شوشىتقان ۆيدەوسىن انىقتادى.
وسى وقيعا بويىنشا 26 جاستاعى قالا تۇرعىنى پوليتسياعا جەتكىزىلىپ, ۇساق بۇزاقىلىق جاساعانى ءۇشىن سوت شەشىمىمەن 10 تاۋلىككە قاماۋعا الىندى.
پوليتسيا مۇنداي «ازىلگە» جول بەرىلمەيتىنىن ەسكە سالىپ, ازاماتتاردى قوعامدىق ءتارتىپ نورمالارىن ساقتاپ, اينالاداعى ادامدارعا قۇرمەتپەن قاراۋعا شاقىرادى.
