جاڭالىقتار
پوليتسيا اتا-انالارعا ماڭىزدى ۇندەۋ جاسادى
فوتو: istockphoto.com
ىشكى ىستەر مينيسترلىگى قاۋىپسىزدىك ەرەجەلەرىن ەسكە سالدى, دەپ حابارلادى qandastar.kz
«قۇرمەتتى اتا-انالار! تالداۋ كورسەتكەندەي, بالالاردىڭ تەرەزەلەردەن قۇلاۋى بالالار جاراقاتىنىڭ ەڭ كوپ تارالعان سەبەپتەرىنىڭ ءبىرى بولىپ تابىلادى. مۇنداي جاعدايلار اسىرەسە قالالاردا ءجيى كەزدەسەدى.
كوكتەمگى جىلۋدىڭ باستالۋىمەن جازاتايىم وقيعالار قاۋپى ارتادى. ەلىمىزدە بالالاردىڭ تەرەزەدەن قۇلاۋىنىڭ 13 فاكتىسى تىركەلدى, وندا ءبىر بالا قازا تاۋىپ, ال 12-ءسى ءتۇرلى جاراقات الدى.
مۇنىڭ باستى سەبەبى – اتا-انالاردىڭ بالالاردى باقىلاۋسىز, قاراۋسىز قالدىرۋى جانە ولاردىڭ اشىق تەرەزەلەرگە جاقىن بولۋى.
اشىق تەرەزەلەر مەن سەنىمسىز موسكيت تورلارىنىڭ قاۋپىن باعالاي المايتىن, ياعني 7 جاسقا دەيىنگى بالالار بۇل قاۋىپكە ۇشىراۋى مۇمكىن», — دەدى ءىىم اكىمشىلىك پوليتسيا كوميتەتى ەرەكشە تاپسىرمالار جونىندەگى اعا ينسپەكتورى رۇستەم جۇسىپبەكوۆ.
